KUN TAANO TA MAHALAGA: An personal na pag-adal kan Tataramon nin Diyos nakakatabang sa sato na ‘masabutan nin lubos kun ano an lakbang asin laba asin langkaw saka rarom kan katotoohan.’ (Efe 3:18) Tinatabangan man kita kaini na magdanay na daing katuyawan asin daing digta sa maraot na kinaban na ini asin magdanay na ‘nakakapot nin higot sa mensahe nin buhay.’ (Flp 2:15, 16) Paagi sa personal na pag-adal kan Tataramon nin Diyos, puwede kitang makapili nin mga materyal na kaipuhan ta. Paano ta magagamit nin lubos an panahon na ginagamit ta sa pagbasa asin pag-adal kan Bibliya?

KUN PAANO GIGIBUHON:

• Markahan an mga teksto asin maggibo nin nota sa ginagamit mong Bibliya sa personal na pag-adal, sa imprentadong Bibliya o sa gadyet

• Ihapot an mga ini mantang binabasa mo an Tataramon nin Diyos: ‘Siisay? Ano? Nuarin? Sain? Taano? Paano?’

• Aramon an mga impormasyon. Gamit an mga pantabang sa pag-research, mag-research base sa tema o teksto

• Hurop-hurupon an binabasa mo tanganing maaraman kun paano iyan aplikado saimo

• Iaplikar sa pang-aroaldaw mong buhay an mga nanunudan mo.​—Lu 6:47, 48

HILINGON AN VIDEO NA MAGDANAY NA ‘NAKAKAPOT NIN HIGOT’—PAAGI SA EPEKTIBONG PERSONAL NA PAG-ADAL, DANGAN SIMBAGON AN MINASUNOD NA MGA HAPOT:

• Paano ilinadawan kan nagkapira an personal na pag-adal?

• Taano ta kaipuhan tang pirming punan paagi sa pamibi an satong personal na pag-adal?

• Ano an makakatabang sa sato na mas masabutan an sarong teksto sa Bibliya?

• Anong mga pangmarka an puwede tang gamiton sa satong Bibliya na ginagamit sa pag-adal?

• Taano ta importante an paghurop-hurop pag nag-aadal kan Tataramon nin Diyos?

• Ano an dapat tang gibuhon sa mga nanunudan ta?