Taano ta dapat kitang magin madunong sa pagpili nin libangan? Huling pag nagpipili kita nin hihilingon na pelikula, dadangugon na kanta, bibisitahon na website, babasahon na libro, o kakawaton na video game, iyo naman iyan an pinipili tang ilaog sa satong isip. An satong mga pinipili nakakaapektar sa satong paggawi. Pero nakakamundo ta an kadaklan sa mga libangan ngunyan nagtatampok kan mga bagay na ikinakaanggot ni Jehova. (Sal 11:5; Ga 5:19-21) Huli kaiyan, sinasadol kita kan Bibliya na padagos na isip-isipon an mga bagay na nagtataong onra ki Jehova.—Flp 4:8.

HILINGON AN VIDEO NA ANONG LIBANGAN AN DAPAT KONG PILION? DANGAN SIMBAGON AN MINASUNOD NA MGA HAPOT:

• Paanong an suanoy na kawat na gladyador sa Roma kaagid kan nagkapirang modernong libangan?

• Paano matatabangan kan mga miyembro kan kongregasyon an mga hoben na madunong na makapili nin libangan?

• Paano an Roma 12:9 magseserbing giya sa satong pagpili nin libangan?

• Ano an pirang halimbawa nin marahay na libangan sa saindong lugar?