Sa Marso 23, mga 12 milyones o labi pa an inaasahan tang bisita na maatender sa Memoryal. Magayunon nanggad na patotoo an madadangog ninda mantang ipinapaliwanag kan ispiker an regalo ni Jehova na pantubos saka an dara kaiyan na mga bendisyon sa mga tawo sa maabot na panahon! (Isa 11:6-9; 35:5, 6; 65:21-23; Ju 3:16) Pero, bako sana an ispiker an makakapagpatotoo sa espesyal na okasyon na ini. Gabos kita makakakontribwir paagi sa maugmang pag-ako sa satong mga bisita. (Ro 15:7) Uni an nagkapirang suhestiyon.

• Imbes na magtukaw sana sagkod na magpuon an programa, maugmang akuon an mga bisita saka an mga inaktibo asin kaulayon sinda

• Dawa ngani inaasikaso tang marhay an mga kamidbid na inimbitaran ta, magin alerto man giraray sa ibang bisita na tibaad nagduman huling napaabutan sinda nin imbitasyon. Agdahon an mga baguhan na magtaid saimo. Ipagamit man sainda an Bibliya saka songbook mo

• Pagkatapos kan pahayag, magin handa na magsimbag pag may naghapot. Kun limitado an panahon huling kaipuhan na nindong maghali para sa sunod na magamit na kongregasyon, iareglo na mabisita siya pakalihis nin pirang aldaw. Kun dai mo aram kun paano siya makakaulay giraray, puwede mong sabihon: “Gusto kong maaraman kun ano an masasabi mo sa programa. Pa’no taka kaya makakaulay giraray?”