KUN TAANO TA MAHALAGA: Kun mapreparar an mga tinutukduan sa Bibliya, mas madali nindang masasabutan asin matatandaan an mga itinutukdo ta sa sainda. Mantang mas dakul an nasasabutan asin natatandaan ninda, mas nagigin marikas man an saindang pag-uswag. Dawa pakatapos kan bawtismo, kaipuhan nindang magpreparar para sa mga pagtiripon asin ministeryo tanganing ‘magdanay sindang mapagbantay.’ (Mat 25:13) Kaya, kun aram ninda kun paano mag-adal asin kun may marahay sindang rutina sa pag-adal, pakikinabangan ninda iyan. Sa primero pa sana, dapat na niyatong tabangan an satong mga tinutukduan na magin ugali an pagpreparar sa pag-adal sa Bibliya.

KUN PAANO GIGIBUHON:

• Magin marahay na halimbawa. (Ro 2:21) Magpreparar sa kada pag-adal na isinasaisip an tinutukduan. (km 11/15 3) Ipahiling saiya an publikasyon mo na may kurit

• Dagkahon siya na magpreparar. Pag naestablisar na an pag-adal, sabihon saiya na parte kan areglo nin pag-adal nin Bibliya an pagpreparar, asin ipaliwanag an mga pakinabang kaiyan. Magtao nin praktikal na mga suhestiyon kun paano siya magkakaigwa nin iskedyul sa pagpreparar. May mga paratukdo na ipinapasubli sa mga tinutukduan an saindang publikasyon na may kurit durante kan saindang pag-adal para tabangan sinda na mahiling an mga pakinabang. Komendaran siya sa saiyang pagpreparar

• Ipahiling saiya kun paano magpreparar. Sa kapinunan pa sana, may nagkapirang paratukdo na ginagamit an bilog na sesyon nin pag-adal para ipahiling sa tinutukduan kun paano magpreparar sa sarong leksiyon