An nangyari sa Israel sa kapatagan nin Moab sarong nagpapatanid na halimbawa para sa mga Kristiyano. (1Co 10:6, 8, 11) An mga Israelitang nagpuon na makiiba-iba sa imoral asin nagsasamba sa idolo na mga babaying Moabita natentaran na gumibo nin magabat na kasalan. Nagresulta ini sa grabeng kapahamakan. (Bi 25:9) Nakakaibanan ta an mga katrabaho, kaeskuwela, kataraid, paryente, asin iba pang kabisto na dai nagsasamba ki Jehova. Ano an manunudan ta sa istoryang ini sa Bibliya manungod sa peligro kan dayupot na pakikiiba-iba sa siring na mga tawo?

HILINGON AN VIDEO NA MGA NAGPAPATANID NA HALIMBAWA SA SATONG PANAHON​—EXCERPT, DANGAN SIMBAGON AN MINASUNOD NA MGA HAPOT:

• Anong salang kaisipan an sinabi ni Zimri asin kan iba pa ki Jamin?

• Paano tinabangan ni Finehas si Jamin na magkaigwa nin tamang pagmansay sa mga bagay-bagay?

• Ano an pagkakaiba kan pagigin mainamigo sa sarong bakong kapagtubod asin kan pagigin amigo niya?

• Taano ta kaipuhan tang magin maingat sa pagpili nin dayupot na mga amigo dawa sa kongregasyon?

• Taano ta dapat tang likayan an mga group chat sa social media na an mga miyembro diyan dai ta man kabisto?