Abril 1-7
SALMO 23-25
Kanta 4 Asin Pamibi | Introduksiyon (1 min.)
1. “Si Jehova an Sakuyang Pastor”
(10 min.)
Ginigiyahan kita ni Jehova (Sal 23:1-3; w11-TG 5/1 31 ¶3)
Pinoprotektaran kita ni Jehova (Sal 23:4; w11-TG 5/1 31 ¶4)
Pinapakakan kita ni Jehova (Sal 23:5; w11-TG 5/1 31 ¶5)
Inaataman ni Jehova an saiyang mga lingkod kun paanong inaataman nin sarong mamumuton na pastor an saiyang mga karnero.
HAPUTON AN SADIRI, ‘Paano ako inaataman ni Jehova?’
2. Espirituwal na Kayamanan
(10 min.)
Sal 23:3—Ano an “mga dalan nin katanusan,” asin ano an makakatabang sato na dai bayaan an mga iyan? (w11 2/15 24 ¶1-3)
Anong espirituwal na mga kayamanan sa babasahon sa Bibliya sa semanang ini an gusto mong ihiras?
3. Pagbasa sa Bibliya
(4 min.) Sal 23:1–24:10 (th leksiyon 5)
4. Pagpuon nin Pakikipag-ulay
(3 min.) IMPORMAL NA PAGPAPATOTOO. Maghiras nin sarong nakakapakusog na teksto sa Bibliya sa sarong tawo na nagsabi saimo na nahahadit siya sa mga nangyayari sa kapalibutan. (lmd leksiyon 2 punto 5)
5. Pagdalaw Liwat
(4 min.) PAGHARONG-HARONG. Ipahiling kun paano ginigibo an pag-adal sa Bibliya sa saro na nag-ako kan brosyur na Mabuhay nin Maugma Sagkod Pa Man! (lmd leksiyon 9 punto 3)
6. Paggibo nin mga Disipulo
(5 min.) lff leksiyon 14 punto 4 (lmd leksiyon 11 punto 3)
Kanta 54
7. Isikwal Niyato an Boses kan mga Estranghero
(15 min.) Pagtukar.
Aram kan literal na mga karnero an boses kan saindang pastor asin nagsusunod sinda sa saiya. Kaya pag may nadangog sindang boses nin sarong estranghero, nagdudulag sinda diyan. (Ju 10:5) Kaagid kaiyan, nagdadangog kita sa boses kan satong mamumuton asin mapagtitiwalaan na espirituwal na mga Pastor, si Jehova asin si Jesus. (Sal 23:1; Ju 10:11) Pero isinisikwal ta an boses kan mga estranghero na hinihinguwang paluyahon an satong pagtubod paagi sa “mapandayang mga tataramon.”—2Pe 2:1, 3.
Isinasaysay sa Genesis kapitulo tres an inot na pagkakataon na nadangog sa daga an boses nin sarong estranghero. Nakipag-ulay si Satanas ki Eva paagi sa sarong halas para itago kun siisay talaga siya. Pinaniwala niya si Eva na saro siyang amigo asin sinabi digdi na si Jehova nagpuputik saka may ibang motibo. Makamumundo, nagdangog si Eva, na nagresulta sa grabeng pagsakit niya asin kan saiyang pamilya.
Hinihinguwa man ngunyan ni Satanas na papagdudahon kita manungod ki Jehova asin sa saiyang organisasyon paagi sa pagpalakop nin negatibong mga bareta, mga impormasyon na may salang detalye, asin mga kaputikan. Pag nadadangog ta an boses nin sarong estranghero, dapat kitang dumulag! Peligroso an pagdangog diyan, dawa sa halipot lang, dahil sana ta interesante iyan. Sa halipot nindang pag-uulay, pirang mga tataramon daw an ginamit ni Satanas para dayaon si Eva? (Ge 3:1, 4, 5) Pero, paano kun may saro na kabisto ta—saro na namumutan kita asin may marahay na intensiyon—na gustong mag-istorya nin negatibong impormasyon manungod sa organisasyon ni Jehova?
I-play an VIDEO na Isikwal “an Boses kan mga Estranghero.” Dangan ihapot:
Ano an nanudan mo sa ginibo ni Jade kan purbaran kan saiyang bakong kapagtubod na ina na mag-istorya nin negatibong impormasyon manungod sa organisasyon ni Jehova?
8. Pag-adal sa Bibliya kan Kongregasyon
(30 min.) bt kap. 8 ¶1-4, mga kahon sa p. 69-70
