Abril 29–Mayo 5
SALMO 34-35
Kanta 10 Asin Pamibi | Introduksiyon (1 min.)
1. ‘Umawon si Jehova sa Gabos na Panahon’
(10 min.)
Inumaw ni David si Jehova dawa may inaagihan siyang mga kasakitan (Sal 34:1; w07 3/1 22 ¶11)
Ipinaghambog ni David si Jehova, bako an sadiri niya (Sal 34:2-4; w07 3/1 22 ¶13)
An mga kapahayagan ni David nin pag-umaw nakapakusog sa saiyang mga kairiba (Sal 34:5; w07 3/1 23 ¶15)
Pagkatapos na makadulag si David ki Abimelec, nag-iba sa saiya sa kaawagan an 400 na lalaki na may reklamo ki Saul. (1Sa 22:1, 2) Posibleng an mga lalaking ini an nasa isip ni David kan isinusurat niya an salmong ini.—Sal 34, superskripsiyon.
HAPUTON AN SADIRI, ‘Paano ko mauumaw si Jehova sa pakikipag-ulay ko sa iba sa sunod na pagtiripon kan kongregasyon?’
2. Espirituwal na Kayamanan
(10 min.)
-
Sal 35:19—Ano an buot sabihon kan pakiulay ni David na dai pagtugutan na an mga nauungis sa saiya “magkurukimlat”? (w06 5/15 20 ¶2)
-
Anong espirituwal na mga kayamanan sa babasahon sa Bibliya sa semanang ini an gusto mong ihiras?
3. Pagbasa sa Bibliya
(4 min.) Sal 34:1-22 (th leksiyon 5)
4. Pagpuon nin Pakikipag-ulay
(2 min.) IMPORMAL NA PAGPAPATOTOO. Natapos an pakikipag-ulay mo na dai ka nakapagpatotoo. (lmd leksiyon 1 punto 4)
5. Pagdalaw Liwat
(4 min.) IMPORMAL NA PAGPAPATOTOO. (lmd leksiyon 2 punto 4)
6. Pagpaliwanag kan Saimong Paniniwala
(5 min.) Demonstrasyon. ijwfq 59—Tema: Paano Naaaraman kan mga Saksi ni Jehova Kun Baga Puwedeng Iselebrar an Sarong Okasyon? (th leksiyon 17)
Kanta 59
7. Tulong Paagi na Mauumaw Ta si Jehova sa mga Pagtiripon
(15 min.) Pagtukar.
May marahayon kitang oportunidad na maumaw si Jehova sa mga pagtiripon kan kongregasyon. Uni an tulong paagi.
Pakikipag-ulay: Sabihon an manungod sa karahayan ni Jehova pag nakikipag-ulay sa iba. (Sal 145:1, 7) May nadangog ka daw o nabasang sarong partikular na punto na nakinabang ka? May magayon ka daw na eksperyensiya sa ministeryo? May ginibo o sinabi daw an sarong tugang na nakapakusog saimo? May naobserbaran ka daw sa sarong linalang na nakapahangang marhay saimo? Gabos iyan mga regalo hali ki Jehova. (San 1:17) Mag-abot nin mas amay tanganing may panahon kang makipag-ulay sa iba.
Pagkomento: Hinguwahon na makapagkomento maski saro sa kada pagtiripon. (Sal 26:12) Puwede mong simbagon nin direkta sa punto an hapot o komentuhan an sekondaryong punto, sarong teksto, ritrato, o kun paano iyan iaaplikar. Dahil posibleng marhay na may mga kasarabay ka na mataas nin kamot, mag-andam nin nagkapirang komento. Kun 30 segundo sana o mas halipot pa an satong komento, mas dakul an ‘makakapagdulot sa Diyos nin atang nin pag-umaw.’—Heb 13:15.
Pagkanta: Maugmang kantahon an mga kantang pang-Kahadian. (Sal 147:1) Tibaad dai ka man pirming makakapagkomento sa kada pagtiripon, lalo na sa dakulang kongregasyon, pero puwede ka pirming umiba sa pagkanta. Dawa pagmati mo bako kang matibay magkanta, pero pag ginigibo mo an saimong pinakamakakaya, siguradong mauugma si Jehova! (2Co 8:12) Puwede kang mag-andam paagi sa pagpraktis kaiyan sa harong.
I-play an VIDEO na An Satong Kasaysayan na Padagos na Nag-uuswag—An Regalong Pagkanta, Part 1. Dangan ihapot:
Sa inot na mga taon kan satong organisasyon sa presenteng panahon, paano ta ipinahiling na mahalaga an pagkanta nin pag-umaw ki Jehova?
8. Pag-adal sa Bibliya kan Kongregasyon
(30 min.) bt kap. 9 ¶1-7, intro sa seksiyon 3, asin kahon sa p. 78
