Mayo nang mas makakapaugma sa Kristiyanong mga magurang kundi na mahiling an saindang aki na ‘talikdan an sadiri saka pasanon an hariging pasakitan asin padagos na sumunod’ ki Jesus. (Mar 8:34; 3Ju 4) Ano an magigibo kan mga magurang para tabangan an mga aki ninda na magin parasunod ni Jesus, idusay an saindang buhay ki Jehova, asin magpabawtismo? Ano an nagkapirang indikasyon na andam na sinda sa importanteng lakdang nin pagpabawtismo?

Basahon an “Sarong Mensahe Para sa Kristiyanong mga Magurang” sa pahina 165-166 kan librong Organisado sa Paggibo kan Kabutan ni Jehova, dangan tukaron an minasunod na mga hapot:

1. Ano an sarong disipulo?

2. Ano an dapat itukdo kan mga magurang sa saindang mga aki?

3. Kauyon kan edad ninda, paano dapat iaplikar kan mga aki an minasunod na mga teksto para makuwalipikar sa bawtismo?

   • Col 3:20

   • Lu 2:46

   • Sal 122:1

   • Mat 4:4

   • Mat 6:33

   • 1Co 15:33