Nakakaulakit an pagigin entusiyastiko. Kun ganado kita sa pagtaram, maeengganyong magdangog an kaulay ta. Ipinapahiling man kaiyan kun gurano kahalaga sa sato an mensaheng sinasabi ta. Ano man an kultura ta o personalidad, puwede kitang magin entusiyastiko sa pagtukdo. (Ro 12:11) Paano?

Inot, isipon ta kun gurano kahalaga kan mensahe ta. Dakulang pribilehiyo na ipahayag an “maugmang bareta mapadapit sa marahay na mga bagay!” (Ro 10:15) Ikaduwa, isip-isipon an dakulaon na pakinabang na maaako kan kaulay mo pag sinabi mo saiya an maugmang bareta. Kaipuhan talaga nindang madangog an sasabihon mo. (Ro 10:13, 14) Ultimo, magin ganado sa pagtaram, gamit an natural na pagmustra saka sinserong ekspresyon nin lalawgon.

HILINGON AN VIDEO DRAMATIZATION NA MAGIN MAUGMA SA PAGGIBO NIN DISIPULO—PAUSWAGON AN SAIMONG KAKAYAHAN SA PAGTUTUKDO—MAGIN ENTUSIYASTIKO SA PAGTUKDO, DANGAN SIMBAGON AN MINASUNOD NA MGA HAPOT:

• Taano ta dai nang gayo entusiyastiko si Neeta sa pag-Bible study ki Jade?

• Ano an nakatabang ki Neeta na ganahan giraray sa pagtutukdo?

• Taano ta dapat kitang magpokus sa mga nahihiling tang positibo sa kaulay ta?

• Pag entusiyastiko kita, ano an puwedeng magin epekto kaiyan sa mga tinutukduan ta sa Bibliya saka sa iba?