MAGIN ANDAM SA MINISTERYO | MAGIN LALONG MAUGMA SA MINISTERYO
Maggamit nin Ilustrasyon sa Pagpaliwanag kan Panginot na mga Punto
Pag nagdadalaw liwat o nagkokondukta nin pag-adal sa Bibliya, kaipuhan tang tabangan an kaulay ta na maintindihan an panginot na mga punto. Kun magamit kita nin mga ilustrasyon, matataros kaiyan an puso ninda saka mas madali nindang matatandaan an pinag-aadalan.
Pag nag-aandam para sa pagdalaw liwat o pag-adal sa Bibliya, pilion an panginot na mga punto na gusto mong iilustrar, bako an saradit na mga detalye. Dangan gumamit nin simpleng mga ilustrasyon na base sa mga nangyayari sa aroaldaw. (Mat 5:14-16; Mar 2:21; Lu 14:7-11) Mahalagang isipon ta an mga aram ta manungod sa kaulay ta pati an mga pinagkakasibutan niya. (Lu 5:2-11; Ju 4:7-15) Pag nahihiling ta an maugmang reaksiyon niya dahil nasasabutan niya an punto, talagang mauugma kita.
HILINGON AN VIDEO DRAMATIZATION NA MAGIN MAUGMA SA PAGGIBO NIN DISIPULO—PAUSWAGON AN SAIMONG KAKAYAHAN SA PAGTUTUKDO—MAGGAMIT NIN ILUSTRASYON SA PAGPALIWANAG KAN PANGINOT NA MGA PUNTO, DANGAN SIMBAGON AN MINASUNOD NA MGA HAPOT:
-
Taano ta tibaad kaipuhan kan satong tinutukduan nin tabang para masabutan an sinasabi sa Bibliya?
-
Anong ilustrasyon an ginamit ni Neeta para ipaliwanag an katotoohan na yaon sa Roma 5:12?
-
An epektibong ilustrasyon nakakaabot sa puso
Ano an puwedeng magin epekto sa kaulay ta kan epektibong ilustrasyon?
-
Sa satong ministeryo, taano ta mahalagang gamiton ta an mga video saka iba pang pantabang sa pagtutukdo na itinatao kan organisasyon ni Jehova?
