An disiplina nanunungod talaga sa pagtao nin instruksiyon saka sa pagtutukdo, pero kaiba man diyan an pagtatanos saka pagpadusa. Dinidisiplina kita ni Jehova para masamba ta siya sa paaging inaako niya. (Ro 12:1; Heb 12:10, 11) May mga pagkakataon na puwedeng makulog an disiplina pero katanusan saka bendisyon an resulta kaiyan. (Tal 10:7) Ano an mahalagang tandaan kan mga nagtatao nin disiplina saka kan mga tinatawan kaiyan?

An nagtatao nin disiplina. Pinagmamaigutan kan mga elder, mga magurang, saka kan iba pa na magin mabuot saka mamumuton pag nagtatao nin disiplina, arog ni Jehova. (Jer 46:28) Pati an magabat na disiplina kaipuhan man na itao sa paaging angay talaga sa sitwasyon asin motibado nin pagkamuot.—Tit 1:13.

An tinatawan nin disiplina. Sa ano man na paagi kita disiplinahon, dapat na dai ta iyan sayumahan kundi hinguwahon ta na magibo tulos iyan. (Tal 3:11, 12) Dahil bako kitang perpekto, kaipuhan ta gabos nin disiplina, na puwedeng itao sa iba-ibang paagi. Puwede kitang makakua nin disiplina sa binabasa ta sa Bibliya o sa nadadangog ta sa mga pagtiripon sa kongregasyon. O kun minsan may mga kaipuhan tawan nin disiplina kan hudisyal na komite. An pag-ako saka pagsunod sa disiplina sa katapos-tapusi maresulta sa buhay na daing katapusan.—Tal 10:17.

HILINGON AN VIDEO NA “AN MGA NAMUMUTAN NI JEHOVA DINIDISIPLINA NIYA,” DANGAN SIMBAGON AN MINASUNOD NA MGA HAPOT:

• Ano an buhay ni Canon kan aki pa siya, pero paano iyan nagbago?

• Anong mamumuton na disiplina an itinao sa saiya ni Jehova?

• Ano an mga manunudan ta sa nangyari sa saiya?