Mantang nagrarani an katapusan kan sistemang ini, asahan niyato na mas magrabe an kariribukan sa komunidad, terorismo, asin giyera. (Kap 6:4) Paano kita magigin handa para sa mga kadipisilan na mangyayari sa maabot?

• Magin handa sa espirituwal: Aramon an mga prinsipyo sa Bibliya asin mga istorya diyan na makakapakusog kan saimong pagtitiwala ki Jehova asin sa saiyang organisasyon asin na makakatabang saimo na magdanay na neutral. (Tal 12:5; jr 125-126 ¶23-24) Ngunyan na an panahon na magin amigo mong marhay an saimong mga kakongregasyon.—1Pe 4:7, 8

• Magin handa sa pisikal: Magkaigwa nin plano kun paano magigin ligtas kun kaipuhan na magdanay sana sa harong. Magkaigwa man nin rasonableng istak nin mga suplay. Planuhon man kun paano maebakwar kun kaipuhan. I-check an laog kan saimong go bag, asin maglaag man diyan nin personal protective equipment saka nin kuwarta. Aramon kun paano makokontak an saindong mga elder, asin siguraduhon na aram ninda kun paano ka makokontak.—Isa 32:2; g17.5-TG 3-7

Sa panahon nin kariribukan, papagdanayon an saimong espirituwal na rutina. (Flp 1:10) Likayan na magpaburubalyo nin lugar apuwera na sana kun kaipuhan. (Mat 10:16) Magtao man nin pagkakan saka nin iba pang suplay sa iba.—Ro 12:13.

HILINGON AN VIDEO NA PREPARADO KA DAW SA KALAMIDAD ASIN IBA PANG PELIGRO? DANGAN SIMBAGON AN MINASUNOD NA MGA HAPOT:

• Paano kita matatabangan ni Jehova sa mga panahon nin kalamidad asin iba pang peligrosong sitwasyon?

• Anong praktikal na mga bagay an puwede tang gibuhon para magin handa kita?

• Paano niyato matatabangan an iba na naapektaran nin mga kalamidad asin iba pang peligrosong sitwasyon?