Sa parati, si Satanas asin an mga tawong impluwensiyado niya sinasalakan nin mga kaputikan an katotoohan para paluyahon an satong pagtubod. (2Co 11:3) Halimbawa, para paluyahon an buot kan banwaan ni Jehova dai sinabi kan mga Asiriano an bilog na katotoohan asin puro kaputikan an mga tinaram ninda. (2Cr 32:10-15) Arog man kaiyan na mga taktika an ginigibo ngunyan kan mga apostata. Ano an dapat na magin reaksiyon niyato sa mga pigtutukdo kan mga apostata? Mansayon nanggad iyan na hilo! Dai nanggad basahon iyan, simbagon iyan, o iistorya iyan sa iba. Magin mapagrisa tulos sa mga impormasyon na ginibo para pagdudahan mo si Jehova saka an saiyang organisasyon—asin isikwal an mga iyan!—Jud 3, 4.

HILINGON AN VIDEO NA “MAKIPAGLABAN NIN MAIGOT PARA SA PAGTUBOD”!—EXCERPT, DANGAN SIMBAGON AN MINASUNOD NA MGA HAPOT:

• Taano ta dapat na mag-ingat kita sa paggamit nin mga Internet forum?

  An saimong simbag

• Paano ta masusunod an sadol na nasa Roma 16:17?

  An saimong simbag