Mababasa sa Talinhaga kapitulo 31 an sarong importanteng mensahe ki Hading Lemuel hali sa saiyang ina. Sa madunong na sadol na iyan, nanudan kan hadi kun ano an hahanapon sa sarong may kakayahan na agom na babayi.

31:10-12

• Nagtatao siya nin nakakatabang na mga suhestiyon sa mga pagdedesisyon may koneksiyon sa pamilya pero sa mapagpasakop na paagi

• May tiwala an agom niya na madunong an magigin desisyon niya kaya dai ipinipirit kan agom na hagadon niya an permiso kaini sa gabos na bagay

31:13-27

• Mapamaagi asin maekonomiya siya saka namumuhay nin simple tanganing masigurado na an saiyang pamilya may malinig na bado, presentable, asin masustansiya an kinakakan

• Matiyaga siya asin dai pinapabayaan an saiyang pamilya aldaw asin banggi

31:30

• May takot siya sa Diyos asin pinapakusog an relasyon sa Saiya