Disyembre 23-29
SALMO 119:121-176
Kanta 31 Asin Pamibi | Introduksiyon (1 min.)
1. Kun Paano Malilikayan an Dai Kinakaipuhan na Kakulugan
(10 min.)
Kamutan an mga tugon nin Diyos (Sal 119:127; w18.06 17 ¶5-6)
Ikaungis an maraot na gibo (Sal 119:128; w93 4/15 17 ¶12)
Magdangog ki Jehova, asin dai arugon an mga sala kan mga “daing eksperyensiya” (Sal 119:130, 133; Tal 22:3)
HAPUTON AN SADIRI, ‘Anong espesipikong mga bagay an kaipuhan kong pauswagon para mamutan an mga tugon nin Diyos o ikaungis an maraot na gibo?’
2. Espirituwal na Kayamanan
(10 min.)
-
Sal 119:160—Kauyon kan bersikulong ini, sa ano dapat kita magin kumbinsido? (w23.01 2 ¶2)
-
Anong espirituwal na mga kayamanan sa babasahon sa Bibliya sa semanang ini an gusto mong ihiras?
3. Pagbasa sa Bibliya
(4 min.) Sal 119:121-152 (th leksiyon 2)
4. Pagpuon nin Pakikipag-ulay
(3 min.) PAGHARONG-HARONG. (lmd leksiyon 1 punto 5)
5. Pagdalaw Liwat
(4 min.) PAGHARONG-HARONG. Ipahiling sa kagharong kun paano makakahanap nin impormasyon sa jw.org na magugustuhan niya. (lmd leksiyon 8 punto 3)
6. Paggibo nin mga Disipulo
(5 min.) Pakikipag-ulay sa sarong tinutukduan sa Bibliya na dai regular na nag-aatender sa mga pagtiripon kan kongregasyon. (lmd leksiyon 12 punto 4)
Kanta 121
7. Dai Pagtugutan an Kuwarta na Magin Dahilan kan Saimong Kakulugan
(15 min.) Pagtukar.
An mga tawong nagpapadara sa pagkamuot sa kuwarta ‘pauruutrong dinadarahan an saindang sadiri nin dakul na kakulugan.’ (1Ti 6:9, 10) An minasunod iyo an mga kakulugan na maeeksperyensiyahan ta kun namumutan ta an kuwarta asin magin pinakaimportante iyan sa satong buhay.
-
Dai kita magkakaigwa nin dayupot na relasyon ki Jehova.—Mat 6:24
-
Dai kita magigin kontento.—Ecl 5:10
-
Madali kitang masugutan na gumibo nin sala, arog nin pagputik, paghabon, asin pagtraydor. (Tal 28:20) Pag nagpadara kita diyan, maresulta iyan nin pagkakonsiyensiya, bakong marahay na reputasyon, asin pagkawara kan pag-uyon nin Diyos
Basahon an Hebreo 13:5, asin pag-ulayan an hapot na ini:
-
Anong pagmansay sa kuwarta an makakalikay sa sato sa mga kakulugan, asin taano?
Dawa ngani dai kita namumuot sa kuwarta, makukulgan pa man giraray kita kun dai kita magigin madunong sa paggamit kaiyan.
I-play an WHITEBOARD ANIMATION na Kun Paano Madunong na Gagamiton an Kuwarta Mo. Dangan ihapot:
-
Taano ta dapat kitang magbadyet, asin paano ta iyan magigibo?
-
Taano ta marahay na magtipon?
-
Taano ta madunong na dai mangutang kun dai man kinakaipuhan?
8. Pag-adal sa Bibliya kan Kongregasyon
(30 min.) bt kap. 20 ¶1-7, asin intro sa seksiyon 7
