Nobyembre 18-24
SALMO 107-108
Kanta 7 Asin Pamibi | Introduksiyon (1 min.)
1. “Magpasalamat Kamo ki Jehova, Huling Marahay Siya”
(10 min.)
Kun paanong ilinigtas ni Jehova an Israel sa Babilonya, ilinigtas man kita ni Jehova sa kinaban ni Satanas (Sal 107:1, 2; Col 1:13, 14)
An pagigin mapagpasalamat ki Jehova nagpapahiro sa sato na umawon siya sa kongregasyon (Sal 107:31, 32; w07 4/15 20 ¶2)
Kun iisip-isipon tang marhay an mga ginibo ni Jehova huli sa pagkamuot, magkakaigwa kita nin mapagpasalamat na puso (Sal 107:43; w15 1/15 9 ¶4)
2. Espirituwal na Kayamanan
(10 min.)
-
Sal 108:9—Taano ta ikinumparar an Moab sa “plangganang hugasan” nin Diyos? (it-2-TG 412 ¶2)
-
Anong espirituwal na mga kayamanan sa babasahon sa Bibliya sa semanang ini an gusto mong ihiras?
3. Pagbasa sa Bibliya
(4 min.) Sal 107:1-28 (th leksiyon 5)
4. Pagpuon nin Pakikipag-ulay
(3 min.) IMPORMAL NA PAGPAPATOTOO. (lmd leksiyon 1 punto 4)
5. Pagdalaw Liwat
(4 min.) IMPORMAL NA PAGPAPATOTOO. Sabihon sa kaulay an manungod sa satong programa nin pag-adal sa Bibliya, asin tawan siya nin contact card na para sa pag-adal nin Bibliya. (lmd leksiyon 9 punto 3)
6. Pahayag
(5 min.) ijwyp 90—Tema: Paano Ko Malilikayan an Pagigin Negatibo? (th leksiyon 14)
Kanta 46
7. Nagkakanta Kita Para Magpasalamat ki Jehova
(15 min.) Pagtukar.
Pagkatapos na iligtas ni Jehova an natatakot na mga Israelita sa makusog na hukbo nin Ehipto sa Dagat na Pula, napakanta an banwaan bilang pasasalamat. (Ex 15:1-19) An mga lalaki an nanginot sa pagkanta kan bagong kantang iyan. (Ex 15:21) Nagkanta man nin mga pag-umaw sa Diyos si Jesus asin an inot na mga Kristiyano. (Mat 26:30; Col 3:16) Padagos tang maipapahiling an satong pasasalamat ki Jehova paagi sa pagkanta sa mga pagtiripon kan kongregasyon, mga asembleya, asin mga kumbensiyon. Halimbawa, an kinanta pa sana niyato kasubago na “Salamat, Jehova,” kinakanta na sa satong mga pagtiripon puon pa kan 1966.
Sa ibang mga kultura, tibaad nasusupog an mga lalaki na magkanta sa publiko. An iba man nag-aalangan na magkanta ta sa hiling ninda bako man magayon an boses ninda. Pero, dapat tang tandaan na an pagkanta sa satong mga pagtiripon kabtang kan satong pagsamba. Naghihinguwang marhay an organisasyon ni Jehova sa paggibo nin magayon na mga kanta asin sa pagpili nin angay na mga kakantahon sa kada pagtiripon. An gigibuhon ta na sana iyo na iribang magkanta para ipahayag an satong udok sa pusong pagkamuot asin pasasalamat sa satong Ama sa langit.
I-play an VIDEO na An Satong Kasaysayan na Padagos na Nag-uuswag—An Regalong Pagkanta, Part 2. Dangan ihapot:
-
Anong makasaysayan na pangyayari an nangyari kan 1944?
-
Paano ipinahiling kan satong mga tugang sa Siberia an saindang pagpapahalaga sa pagkanta nin mga kantang pang-Kahadian?
-
Taano ta mahalagang marhay an pagkanta para sa mga Saksi ni Jehova?
8. Pag-adal sa Bibliya kan Kongregasyon
(30 min.) bt kap. 18 ¶6-15
