34:5-7, NWT

An pag-apresyar sa mga kuwalidad ni Jehova nakatabang ki Moises na magin mapasensiya sa mga Israelita. Sa kaparehong paagi, pag urog tang nasasabutan an mga kuwalidad ni Jehova, magigin mapagpatawad kita sa satong mga kapagtubod.

• “Mahihirakon asin mapagmalasakit”: Mamumuton asin may pagmalasakit na inaataman ni Jehova an saiyang mga parasamba, arog kan pag-ataman kan mga magurang sa saindang mga aki

• “Dai tulos naaanggot”: Mapasensiya si Jehova sa saiyang mga lingkod, nasasabutan niya an mga pagkukulang ninda asin tinatawan sinda nin panahon na magbago

• “Abunda sa maimbod na pagkamuot”: May makusog na bugkos nin maimbod na pagkamuot si Jehova sa saiyang mga lingkod na nagdadanay sagkod pa man

HAPUTON AN SADIRI, ‘Paano ko maaarog an pagigin mahihirakon asin mapagmalasakit ni Jehova?’