Ipinahayag ni Jesus “an maugmang bareta kan Kahadian nin Diyos.” (Lu 4:43) Tinukduan man niya an mga tawo na ipamibi an Kahadian na iyan. (Mat 6:9, 10) Sa Nobyembre, magkakaigwa kita nin espesyal na kampanya para ibalangibog an Kahadian nin Diyos. (Mat 24:14) Pakarhayon an saindong iskedyul para lubos na makikabtang sa kampanyang ini. An gabos na naglilingkod bilang auxiliary payunir puwedeng pumili nin 30 o 50 oras na kahagadan para sa bulan na ini.

Ipakipag-ulay an sarong teksto manungod sa Kahadian nin Diyos sa pinakadakul na tawo na posible sa saindong teritoryo. Pag nagpipili nin teksto, konsideraron kun ano an relihiyon kan mga makakaulay mo. Kun may nagpahiling nin interes sa inot na pakikipag-ulay, tawan siya nin kopya kan pampublikong edisyon kan An Torrengbantayan Num. 2 2020. Dangan balikan tulos siya, asin hinguwahon na makapuon nin pag-adal sa Bibliya gamit an sarong publikasyon sa satong Toolbox sa Pagtutukdo. Kadikit na panahon na sana an natatada bago runuton kan Kahadian nin Diyos an gabos na gobyerno na nagkokontra diyan. (Da 2:44; 1Co 15:24, 25) Kaya, lugod na lubos kitang makikabtang sa espesyal na pagkakataon na ini para ipahiling an satong kaimbudan ki Jehova asin sa saiyang Kahadian!