An mga Saksi ni Jehova igwa nin espesyal na pribilehiyo. Bilang dusay asin bawtisadong mga Kristiyano, pinagdadanay niyato na magkaigwa nin dayupot na relasyon sa Soberanong Kagurangnan na Jehova. Irinani niya kita sa saiya paagi sa saiyang Aki. (Ju 6:44) Dinadangog niya an satuyang mga pamibi.—Sal 34:15.

Paano ta maiingatan an satong mahalagang marhay na relasyon sa Diyos? An sarong paagi iyo na dapat tang likayan an makasalan na paggawi arog kan ginibo kan mga Israelita. Dai nahaloy pagkatapos kan pakikipagtipan ninda ki Jehova, naggibo sinda nin bulawan na ugbon na baka asin nagin mga parasamba sa idolo. (Ex 32:7, 8; 1Co 10:7, 11, 14) Tibaad maihapot ta sa satong sadiri: ‘Ano an ginigibo ko pag nasusugutan akong gumibo nin maraot? Nahihiling daw sa mga ginigibo ko na pinapahalagahan kong marhay an sakong relasyon ki Jehova?’ An satong makusog na pagkamuot sa satong Ama sa langit makakatabang sa sato na dulagan an mga bagay na ikinakaungis niya.—Sal 97:10.

HILINGON AN VIDEO NA INGATAN AN SAIMONG RELASYON KI JEHOVA (COL 3:5), DANGAN SIMBAGON AN MINASUNOD NA MGA HAPOT:

• Ano an kapasluan?

• Taano ta dapat tang isikwal an kahanaban asin idolatriya?

• Sa paanong paagi magkakonektar an pagsambay asin an idolatriya?

• Taano ta dapat siguraduhon lalo na kan mga may teokratikong paninimbagan na itao an mga pangangaipo kan saindang agom?