An mga linalang ni Jehova nagpapahayag kan kamurawayan Niya. (Sal 19:1-4; 139:14) Pero, ipinapalakop kan kinaban kan Diyablo an mga teoriyang naglalapastangan sa Diyos, arog baga kan teoriya manungod sa kun paano nagpuon an buhay. (Ro 1:18-25) Ano an magigibo mo para dai tumubo sa isip asin puso kan saimong mga aki an siring na mga ideya? Dawa akion pa, tabangan na sinda na magkaigwa nin pagtubod na si Jehova totoo asin nagmamakulog sa sainda. (2Co 10:4, 5; Efe 6:16) Hinguwahon na maengganyar mo sinda na sabihon an mga nasa buot ninda dapit sa mga itinutukdo sa sainda sa eskuwelahan, asin gamiton an dakul na pantabang tanganing maabot an puso ninda.—Tal 20:5; San 1:19.

HILINGON AN VIDEONG AN SINASABI KAN IBANG TIN-EDYER—PANINIWALA SA DIYOS, DANGAN SIMBAGON AN MINASUNOD NA MGA HAPOT:

• Ano an sinasabi kan dakul dapit sa paniniwala sa Diyos?

• Ano an itinutukdo sa eskuwelahan nindo?

• Ano an nakakumbinsir sa saimo na totoo talaga si Jehova?

• Paano mo matatabangan an iba na maniwala na talagang linalang nin Diyos an gabos na bagay?