KAYAMANAN NA YAON SA TATARAMON NIN DIYOS | ISAIAS 58-62
“Ibalangibog an Taon nin Marahay na Buot ni Jehova”
Bakong literal na taon “an taon nin marahay na buot ni Jehova”
61:1, 2, NW
-
Saro ining peryodo nin panahon kun sain tinatawan ni Jehova nin oportunidad an mga mahuyo na maghimati sa saiyang pagbalangibog nin katalingkasan
-
Kan inot na siglo, an taon nin marahay na buot nagpuon kan punan ni Jesus an saiyang ministeryo kan 29 C.E. asin natapos sa “aldaw nin pamamalos” ni Jehova kan laglagon an Jerusalem kan 70 C.E.
-
Sa ngunyan, an taon nin marahay na buot nagpuon kan magtukaw si Jesus sa trono sa langit kan 1914 asin matatapos sa panahon nin dakulang kahurasaan, o grabeng kasakitan
Binebendisyunan ni Jehova an saiyang banwaan nin “darakulang kahoy nin katanusan”
61:3, 4, NW
-
An pinakahalangkaw na mga kahoy sa kinaban parating magkairibanan na nabubuhay sa mga kadlagan, kun sain nagsisinuruportaran an mga iyan sa kada saro
-
Puwedeng nagsasarabudan an darakulang gamot kaiyan, na nagpapasarig sa mga kahoy asin nagtatabang para dai matumba kan mga bagyo
-
An haralangkawon na kahoy nagtataong limpoy na nagpoprotektar sa nagtutubo pa sanang mga kahoy, asin an mga dahon kaining nararakdag nagigin pataba sa daga
An gabos na miyembro kan Kristiyanong kongregasyon sa bilog na kinaban nakikinabang sa suporta asin proteksiyon kan “darakulang kahoy nin katanusan,” an natatadang mga linahidan
