KUN TAANO TA MAHALAGA: Kun ‘siring sa hararom na katubigan an [kaisipan] kan puso nin tawo,’ an mga hapot garo sarong balde na pansakdo kaiyan. (Tal 20:5) An mga hapot nakakatabang para madagka niyato an mga nagdadangog. An mga simbag sa piniling marhay na mga hapot sa parati nagtatao nin mahalagang mga impormasyon. Si Jesus epektibong naggamit nin mga hapot. Paano niyato siya maaarog?

KUN PAANO GIGIBUHON:

• Gumamit nin punto de vistang mga hapot. Naggamit si Jesus nin sunod-sunod na mga hapot para maaraman niya an iniisip kan saiyang mga disipulo. (Mat 16:13-16; be 238 ¶4-6) Anong punto de vistang mga hapot an puwede mong ihapot?

• Gumamit nin naggigiyang mga hapot. Para itanos an kaisipan ni Pedro, naggamit si Jesus nin mga hapot na nagtatao nin posibleng mga simbag para giyahan si Pedro sa tamang kongklusyon. (Mat 17:24-26) Anong naggigiyang mga hapot an puwede mong gamiton para tabangan an saro na makaabot sa tamang kongklusyon?

• Komendaran an nagdadangog. Pagkatapos na ‘suminimbag nin may kadunungan’ an sarong eskriba, kinomendaran siya ni Jesus. (Mar 12:34) Paano mo puwedeng komendaran an saro na nagtao nin simbag sa sarong hapot?

HILINGON AN INOT NA KABTANG KAN VIDEO NA GIBUHON AN GINIBO NI JESUS​—MAGTUKDO, DANGAN SIMBAGON AN MINASUNOD NA HAPOT:

• Taano ta bakong marahay na halimbawa ini nin pagtutukdo dawa ngani tama man an mga impormasyon?

• Taano ta bako sanang pagpaliwanag kan impormasyon an dapat tang gibuhon?

HILINGON AN IKADUWANG KABTANG KAN VIDEO, DANGAN SIMBAGON AN MINASUNOD NA HAPOT:

• Paano an brother epektibong naggamit nin mga hapot?

• Ano pang ibang aspekto nin pagtutukdo an puwede tang arugon sa saiya?