Gurano ka na kahaloy na naghahalat sa pagdatong kan Kahadian nin Diyos? Mapasensiya ka daw na nagtatagal sa ibong nin mga kasakitan? (Ro 8:25) An ibang Kristiyano napapaatubang sa pagkaungis, pagmaltrato, pagkapreso, o huma pa ngani nin kagadanan. Dakul man an nagtatagal nin mga pagbalo arog kan dai nagrarahay na hilang o paggurang.

Ano an makakatabang sa sato na interesadong marhay na maghalat dawa nag-aagi nin mga kasakitan? Dapat na aroaldaw tang pakusugon an satong pagtubod paagi sa pagbasa kan Bibliya asin paghurop-hurop kaiyan. Dapat na magpokus kita sa satong paglaom. (2Co 4:16-18; Heb 12:2) Dapat magngayo-ngayo kita ki Jehova sa pamibi asin hagadon an saiyang banal na espiritu. (Lu 11:10, 13; Heb 5:7) Matatabangan kita kan satong mamumuton na Ama na ‘matagalan an gabos na bagay na may pakatios asin kaugmahan.’—Col 1:11.

HILINGON AN VIDEO NA DAPAT NA “MAGDALAGAN KITA NA MAY PAKATAGAL”—MAGTIWALA NA MAKAKAMTAN MO AN PREMYO, DANGAN SIMBAGON AN MINASUNOD NA MGA HAPOT:

• Anong mga ‘pagkanurungod’ o dai inaasahan na mga pangyayari an puwede niyatong maeksperyensiyahan? (Par 9:11)

• Paano makakatabang sa sato an pamibi pag napapaatubang sa mga pagbalo?

• Kun dai na niyato nagigibo an mga nagigibo ta dati sa paglilingkod ki Jehova, taano ta dapat kitang magpokus sa kun ano an kaya ta pang gibuhon?

• Ano an nakakatabang saimo na padagos na magtiwala na makakamtan mo an premyo?