Magparataram: Dai mo kaipuhan na ipaliwanag an gabos. Naggamit si Jesus nin mga hapot tanganing tabangan an mga tawo na mag-isip asin makaabot sa tamang kongklusyon. (Mat 17:24-27) Nakakatabang an mga hapot na magin buháy an pag-adal. Maaaraman mo man diyan an nasasabutan asin pinaniniwalaan kan saimong tinutukduan. (be 253 ¶3-4) Pag naghahapot, magin mapasensiya asin halaton siya na magsimbag. Kun sala an simbag niya, magbangon nin dagdag pang hapot para tabangan siyang makaabot sa tamang kongklusyon imbes na sabihon sa saiya an tamang simbag. (be 238 ¶1-2) Magtaram sa tamang rikas para masabutan kan mga tinutukduan an bagong mga ideya.—be 230 ¶4.

Gibuhon na Komplikado an Pag-adal: Likayan an tendensiya na sabihon an gabos mong aram dapit sa pinag-aadalan. (Ju 16:12) Magpokus sa panginot na punto kan parapo. (be 226 ¶4-5) An ibang mga detalye, dawa pa interesante, puwedeng makatahob sa panginot na mga punto. (be 235 ¶3) Pag nasabutan na kan tinutukduan an panginot na punto, magbalyo na sa sunod na parapo.

Basta Sana Pagtukar sa Pinag-aadalan: Katuyuhan ta na maabot an puso, bakong basta sana matapos an pinag-aadalan. (Lu 24:32) Gamiton an kapangyarihan kan Tataramon nin Diyos paagi sa pagpokus sa panginot na mga teksto sa leksiyon. (2Co 10:4; Heb 4:12; be 144 ¶1-3) Maggamit nin simpleng mga ilustrasyon. (be 245 ¶2-4) Isipon an personal na mga problema asin paniniwala kan tinutukduan, asin ibagay sa saiya an leksiyon. Maghapot nin arog kaini: “Ano an masasabi mo sa pinag-adalan ta?” “Ano an itinutukdo kaini sa sato dapit ki Jehova?” “Ano sa hiling mo an pakinabang kun iaaplikar mo an sadol na iyan?”—be 238 ¶4-6; 259 ¶1.