KAYAMANAN NA YAON SA TATARAMON NIN DIYOS | SALMO 119
‘Maglakaw sa Pagbuot ni Jehova’
An paglakaw sa pagbuot o katugunan ni Jehova nangangahulugan nin pagigin andam na magpasakop sa saiyang banal na paggiya. Dakul kitang marahay na halimbawa sa Bibliya na, arog kan salmista, nagsunod sa pagbuot ni Jehova asin nagtiwala sa saiya.
An tunay na kaugmahan nakadepende sa satong paglakaw sa pagbuot nin Diyos
Ipinahiling ni Josue an lubos na pagtitiwala sa paggiya ni Jehova. Aram niya na tanganing magin maugma asin mapanggana, kaipuhan niyang magtiwala ki Jehova nin bilog na puso
An Tataramon nin Diyos nagtatao sa sato nin kinakaipuhan na kusog nin buot na makayanan an mga problema sa buhay
Nagpahiling si Jeremias nin kusog nin buot asin nagsarig ki Jehova kan siya nasa masakit na kamugtakan. Pinagdanay niyang simple an saiyang buhay asin nagtagal sa saiyang asignasyon
An tamang kaaraman dapit sa Tataramon nin Diyos nagtatao sa sato nin kumpiyansa na maghulit
Dai natakot si Pablo na sabihon an mensahe nin Diyos sa kiisay man. Kan kusog nin buot na hinulitan niya si Gobernador Felix, lubos an tiwala niya na tatabangan siya ni Jehova
Sa anong mga sitwasyon maipapahiling ko an kusog nin buot kun nagpapatotoo sa iba?
-
Eskuwelahan
-
Trabaho
-
Pamilya
-
Iba pa
