Pag nasasakitan kitang makahanap nin trabaho, puwedeng masakitan kita na inuton pirmi sa satong buhay an Kahadian asin an katanusan nin Diyos. Tibaad matentaran kitang akuon na sana an trabaho na makakaulang sa paglilingkod ta ki Jehova o kontra sa mga prinsipyo sa Bibliya. Pero makakasigurado kita na ipinapahiling ni Jehova an saiyang kusog “alang-alang sa mga bilog an puso para sa saiya.” (2Cr 16:9) Mayo nin makakapugol sa satong mamumuton na Ama sa pagtabang sa sato asin sa pagtao kan mga kaipuhan ta. (Ro 8:32) Kaya, pag nagdedesisyon manungod sa trabaho, dapat kitang magtiwala ki Jehova asin papagdanayon na nakapokus an satong buhay sa paglilingkod sa saiya.—Sal 16:8.

HILINGON AN VIDEO DRAMATIZATION NA GIBUHON AN GABOS NIN BILOG NA KALAG PARA KI JEHOVA, DANGAN SIMBAGON AN MINASUNOD NA MGA HAPOT:

• Taano ta dai inako ni Jason an suhol?

• Paano aplikado sa sato an Colosas 3:23?

• Ano an epekto ki Thomas kan marahay na halimbawa ni Jason?

• Paano aplikado sa sato an Mateo 6:22?