Sa Nobyembre, may gigibuhon kitang espesyal na kampanya para sabihon sa iba an maugmang bareta na harani na an mas magayon na kinaban. (Sal 37:10, 11; Kap 21:3-5) I-adjust an saimong iskedyul para lubos na makapagpartisipar sa kampanyang ini. Kun ma-auxiliary payunir ka sa bulan na iyan, puwede kang pumili kun 30 o 50 an kahagadan na oras na aabuton mo.

Magpili nin teksto na may koneksiyon sa bagong kinaban na plano mong ipabasa sa pinakadakul na tawo. Pag nagpipili nin teksto, isipon kun ano an magugustuhan kan mga tawo sa saindong teritoryo. Kun sa inot na pakikipag-ulay, interesado na an kaulay mo, tawan siya nin kopya kan pampublikong edisyon kan An Torrengbantayan na Num. 2 2021. Tapos, hinguwahon mong makaulay siya giraray tulos saka mapunan nindo an pag-adal sa Bibliya gamit an brosyur na Mabuhay nin Maugma Sagkod Pa Man! Maugmahon nanggad na lubos na makapagpartisipar sa pagsabi sa iba kan “maugmang bareta manungod sa mas marahay na bagay”!—Isa 52:7.

HILINGON AN VIDEO KAN ORIHINAL NA KANTA NA SA BAGONG KINABAN, DANGAN SIMBAGON AN MINASUNOD NA MGA HAPOT:

• Anong magayunon na mangyayari sa maabot an pig-iisip-isip kan aking babayi?

• Anong magagayon na mangyayari sa bagong kinaban an hinahalat-halat mo na?

• Pag iniisip-isip ta an paglaom na iyan, paano kita kaiyan maihahanda na lubos na makikabtang sa kampanya sa Nobyembre?—Lu 6:45