Maugmahon kitang marhay ta igwa kita nin bagong brosyur saka libro para sa pagkondukta nin mga pag-adal sa Bibliya! Ipinapamibi ta na lugod bendisyunan ni Jehova an satong mga paghihinguwa na gumibo nin mas dakul pang mga disipulo. (Mat 28:18-20; 1Co 3:6-9) Paano ta gagamiton an bagong mga tool na ini?

Dahil sa Mabuhay nin Maugma Sagkod Pa Man!, an interactive na pag-adal sa Bibliya, igwa kita ngunyan nin bagong pamamaagi nin pagtutukdo. Kaya sunudon an mga giyang ini pag naghahanda ka asin nagkokondukta nin mga pag-adal sa Bibliya. *

• Basahon an pag-aadalan, asin pag-ulayan an mga hapot

• Basahon an mga tekstong may nakalaag na “basahon,” asin tabangan an tinutukduan na maintindihan an kahulugan kaiyan

• I-play saka pag-ulayan nindo an mga video, gamit an itinaong mga hapot

• Hinguwahon na matapos an bilog na leksiyon sa sarong sesyon

Pag nasa ministeryo, ialok nguna an brosyur para maaraman kun baga interesado an kaulay. (Hilingon an kahon na “ Kun Paano Iaalok an Brosyur na Mabuhay nin Maugma Sagkod Pa Man! sa Inot na Pakikipag-ulay.”) Pag natapos na nindong pag-adalan an brosyur tapos gusto pa kan tinutukduan na magpadagos, ialok an libro dangan magpuon sa leksiyon 04. Kun igwa ka ngunyan nin tinutukduan sa librong Itinutukdo Sato o sa Magdanay sa Pagkamuot, ibalyo iyan sa librong Mabuhay nin Maugma Sagkod Pa Man! asin pag-isipan kun sain marahay magpuon.

HILINGON AN VIDEO NA WELCOME SA SAIMONG PAG-ADAL NIN BIBLIYA, DANGAN SIMBAGON AN MINASUNOD NA MGA HAPOT:

• Ano an mga manunudan kan mga tinutukduan sa bagong libro?

• Taano ta dapat mong ipahiling an videong ini sa bagong mga tinutukduan?

• Ano an dapat na padikit-dikit mong sabihon sa tinutukduan na puwede niyang hinguwahon na gibuhon?—Hilingon an tsart na “ Pokus Asin mga Puwedeng Gibuhon Para sa Kada Seksiyon”