Nauugma ka daw na gamiton an mga video saka punto de-vistang mga hapot sa librong Mabuhay nin Maugma Sagkod Pa Man!? Kumusta man an mga feature na “May mga Nagsasabi,” “Gibuhon Ini,” saka “Hilingon Man”? Anong iba pang mga feature an sa hiling mo makakatabang saimo sa pakikikabtang mo sa paggibo nin disipulo?—Mat 28:19, 20.

Mga Video, Artikulo, Asin Audio: Kun mas gusto mong magkondukta nin pag-adal sa Bibliya gamit an imprentadong libro, sain mo mahihiling an gabos na video, artikulo, asin audio? Sa digital na libro, pilion an saro sa apat na panginot na seksiyon. Yaon sa pinakaibaba kan lista kan titulo kan mga leksiyon an gabos na video, artikulo, asin audio para sa partikular na seksiyon na iyan. (Hilingon an ritrato 1.)

“Printed Edition” setting: Kun gadyet an gamit mo sa pagkondukta nin pag-adal, puwedeng makatabang saimo an paggamit kan setting na “Printed Edition” sa pana-panahon mantang kamo nag-aadal. Pag yaon ka sa leksiyon, i-click an tulong tuldok sa toolbar sa taas kan page asin pilion an “Printed Edition.” Makakatabang an layout na ini para magin malinaw sa saimo kun paano konektado an materyal na pinag-aadalan nindo sa kabilugan na tema kan leksiyon. Para makabalik sa digital edition, i-click giraray an tulong tuldok asin pilion an “Digital Edition.”

“Handa Na Daw Ako?”: Mahihiling sa mga kahon na ini, na yaon sa may puro kan libro, an panginot na mga kahagadan para magin kuwalipikadong maghulit kaiba kan kongregasyon saka magpabawtismo. (Hilingon an ritrato 2.)

Dagdag na Impormasyon: Mababasa sa Dagdag na Impormasyon an paliwanag manungod sa nagkapirang importanteng mga tema. Sa digital na libro, igwa nin link sa puro kan kada dagdag na impormasyon na madara saimo pabalik sa punto kan leksiyon na pinag-aadalan nindo. (Hilingon an ritrato 2.)