An mapangganang Kristiyanong pag-aguman nagtataong onra ki Jehova asin kaugmahan sa mag-agom. (Mar 10:9) Para magkaigwa nin nagdadanay asin maugmang pag-aguman, dapat na sunudon na marhay kan mga Kristiyano an mga prinsipyo sa Bibliya pag nagpipili nin maaagom.

Makipag-ilusyunan sana pag ika “lampas na . . . sa pagbukad nin pagkahoben,” an panahon na an makusog na seksuwal na mga pagmati puwedeng makaapektar sa paggibo nin madunong na mga desisyon. (1Co 7:36) Gamiton sa madunong na paagi an saimong mga taon nin pagigin daing agom para mapakusog an saimong relasyon sa Diyos asin mapatalubo an Kristiyanong mga kuwalidad. Sa paaging iyan, mas dakula an maitatabang mo para magkaigwa nin mapangganang pag-aguman.

Bago makipagkasundo na magpakasal, magtao nin kinakaipuhan na panahon para mabisto mo an “panglaog na pagkatawo na nasa puso.” (1Pe 3:4, nota sa ibaba) Kun magkaigwa ka nin seryosong pagdududa, ipakipag-ulay iyan sa saimong kailusyon. Arog kan iba pang mga relasyon, an pag-aguman dapat na mas nakapokus sa kun ano an maitatao mo kisa sa kun ano an makukua mo. (Flp 2:3, 4) Kun susunudon mo an mga prinsipyo sa Bibliya bago mag-agom, nagbubugtak ka nin marahay na pundasyon para sa sarong maugmang pag-aguman.

HILINGON AN VIDEO NA PAGHANDA PARA SA PAG-AGOM—PART 3: ‘KUWENTAHON AN GASTOS,’ DANGAN SIMBAGON AN MINASUNOD NA MGA HAPOT:

• Sa primero, kumusta an relasyon kan sister ki Shane?

• Ano an narisa niya mantang mas nabibisto niya siya?

• Paano siya tinabangan kan saiyang mga magurang, asin anong madunong na desisyon an ginibo niya?