PAMUMUHAY BILANG KRISTIYANO
Iliniligtas ni Jehova an mga May Runot na Espiritu
Gabos kita nakakamati nin kamunduan kun minsan. An pakamati nin kamunduan bakong tanda na an saro maluya an espirituwalidad. Kun sa bagay, dawa ngani si Jehova ihinayag niya na nakakamati siya kun minsan nin kamunduan. (Ge 6:5, 6) Pero paano kun parati kitang nakakamati nin grabeng kamunduan o purupirmi pa ngani?
Maghagad nin tabang ki Jehova. Interesadong marhay si Jehova sa satong mental asin emosyonal na salud. Aram niya pag maugma kita asin pag mamundo kita. Saka nasasabutan niya kun taano ta arog kita kaiyan mag-isip asin kun taano ta arog kaiyan an namamatian ta. (Sal 7:9b) Asin an pinakaimportante, nagmamakulog sa sato si Jehova asin matatabangan niya kita na makayanan an pakamati nin kamunduan o depresyon pa ngani.—Sal 34:18.
Atamanon an saimong mental na salud. An negatibong mga pagmati puwedeng makaapektar sa satong kaugmahan pati na sa satong pagsamba. Huli kaini, gusto tang ingatan an satong puso—an bilog niyatong panglaog na pagkatawo.—Tal 4:23.
HILINGON AN VIDEO NA KUN PAANO AN SATONG MGA TUGANG NAKAKAMATI NIN KATUNINUNGAN SA IBONG NIN DEPRESYON, DANGAN SIMBAGON AN MINASUNOD NA MGA HAPOT:
-
Anong praktikal na mga bagay an ginibo ni Nikki para matabangan siya na makayanan an depresyon?
-
Taano ta namati ni Nikki na kaipuhan niya nin medikal na tabang?—Mat 9:12
-
Sa anong mga paagi nagsarig ki Jehova si Nikki para sa tabang?
