Setyembre 16-22
SALMO 85-87
Kanta 41 Asin Pamibi | Introduksiyon (1 min.)
1. An Pamibi Nakakatabang sa Sato na Makatagal
(10 min.)
Mamibi ki Jehova na tawan ka niya nin kaugmahan (Sal 86:4)
Mamibi ki Jehova na tabangan ka niyang magdanay na maimbod (Sal 86:11, 12; w12 5/15 25 ¶10)
Magtiwala na sisimbagon ni Jehova an mga pamibi mo (Sal 86:6, 7; w23.05 13 ¶17-18)
HAPUTON AN SADIRI, ‘Pag may inaagihan akong mga problema, mas parati saka mas halawig daw an sakong mga pamibi?’—Sal 86:3.
2. Espirituwal na Kayamanan
(10 min.)
Sal 86:11—Ano an ipinaparisa sa sato kan pamibi ni David manungod sa puso nin sarong tawo? (it-2-TG 993 ¶14)
Anong espirituwal na mga kayamanan sa babasahon sa Bibliya sa semanang ini an gusto mong ihiras?
3. Pagbasa sa Bibliya
(4 min.) Sal 86:1–87:7 (th leksiyon 12)
4. Pagpuon nin Pakikipag-ulay
(3 min.) IMPORMAL NA PAGPAPATOTOO. Mag-alok nin pag-adal sa Bibliya. (lmd leksiyon 3 punto 5)
5. Pagdalaw Liwat
(4 min.) IMPORMAL NA PAGPAPATOTOO. Mag-alok nin pag-adal sa Bibliya sa saro na nakaulay mo kan inot na nagsabi na nahahadit siya manungod sa sarong presenteng pangyayari. (lmd leksiyon 7 punto 4)
6. Paggibo nin mga Disipulo
(5 min.) lff leksiyon 15 punto 5. Ipakipag-ulay sa tinutukduan mo kun ano an magigin areglo nindo sa pag-adal mantang mayo ka sa sunod na semana. (lmd leksiyon 10 punto 4)
Kanta 83
7. Dai Magpundo
(5 min.) Pagtukar.
I-play an VIDEO. Dangan ihapot:
Taano ta kun minsan namamati ta na garo gusto ta nang magpundo sa ministeryo?
Taano ta dai kita dapat magpundo?
8. Padagos na Mag-alok nin mga Pag-adal sa Bibliya!
(10 min.) Pagtukar.
Nakapuon ka na daw nin pag-adal sa Bibliya gamit an brosyur na Mabuhay nin Maugma Sagkod Pa Man! sa espesyal na kampanya ngunyan na bulan? Kun iyo, siguradong ikinakaugma mo iyan! Posibleng marhay na napakusog man an iba dahil diyan. Pero, kun mayo ka pang napupunan na pag-adal sa Bibliya, tibaad iniisip mo kun baga sulit an mga paghihinguwa mo. Ano an puwede mong gibuhon kun nadidisganar ka huling mayo ka pang napupunan na pag-adal sa Bibliya?
I-play an VIDEO DRAMATIZATION na “Irinerekomendar Mi an Samuyang Sadiri Bilang mga Ministro nin Diyos [Huli sa] Pagpapasensiya”—Pag Naghuhulit. Dangan ihapot:
Paano makakatabang sa sato an 2 Corinto 6:4, 6 kun pagmati ta garo baga “black hole” an satong ministeryo?
Anong mga pagbabago an puwede mong gibuhon kun pagmati mo garo baga sayang an mga paghihinguwa mo huling dai ka nakapuon nin pag-adal sa Bibliya?
Tandaan, an satong kaugmahan dai nakadepende sa kun gurano kadakul an napunan o kinokonduktahan tang pag-adal sa Bibliya. Imbes, an kaugmahan resulta kan pakaaram na nauugma si Jehova sa mga paghihinguwa ta. (Lu 10:17-20) Kaya padagos na bilog na pusong makikabtang sa espesyal na kampanyang ini, huling aram ta na “bakong sayang an [satong] pagpapagal may koneksiyon sa Kagurangnan”!—1Co 15:58.
9. Pag-adal sa Bibliya kan Kongregasyon
(30 min.) bt kap. 15 ¶13-14, kahon sa p. 134
