ATTENDANT An mga attendant inasignaran na tumabang sa saindo. Makipagtabangan tabi sa sainda nin lubos paagi sa pagsunod sa saindang instruksiyon dapit sa pagparada nin lunadan, pagigin areglado kan paglaog asin pagluwas sa pasilidad, pagreserba nin mga tukawan, asin iba pa.

BAWTISMO An mga tukawan na nakareserba para sa mga kandidato sa bawtismo yaon sa atubangan kan plataporma apuwera na sana kun may pagbabago. Dapat nakatukaw na diyan an mga kandidato sa bawtismo bago magpuon an diskurso sa bawtismo sa Sabadong aga. An lambang saro maninigong magdara nin tuwalya asin mabining bado na gagamiton sa bawtismo.

DONASYON Durudakula an gastos sa pagkaigwa nin bastanteng matutukawan, sound system, video equipment, asin dakul na iba pang serbisyo para magin nakakaugma an pag-atender sa kumbensiyon saka makatabang sa sato na magin mas harani ki Jehova. An saindong gikan sa buot na mga donasyon nakakatabang na mataparan an mga gastos na ini asin masuportaran man an pambilog na kinaban na gibuhon. Tanganing magin kumbenyente para sa saindo, an mga kahon sa kontribusyon na malinaw na minarkahan ilinaag sa manlain-lain na lugar kan pasilidad. Puwede man kamong magdonar online sa donate.pr418.com. Pinapasalamatan na marhay an gabos na donasyon. Gusto kamong pasalamatan kan Namamahalang Grupo sa saindong bukas-palad na pagsuportar sa intereses kan Kahadian.

FIRST AID Tandaan tabi na para ini sa mga emerhensiya sana.

LOST AND FOUND An gabos na nakuang bagay maninigong darahon sa Lost and Found Department. Kun may nawara kamong ano man na bagay, magduman sa departamentong ini. An mga aki na naparayo sa mga magurang asin nalagalag maninigong darahon sa departamentong ini. Minsan siring, para malikayan an arog kaiyan na mga problema, bantayan tabi an saindong mga aki asin dai sinda pagpabayaan na mapasuhay sa saindo.

TUKAWAN Magin makonsiderasyon tabi sa iba. Girumdumon na an mga tukawan puwede sanang ireserba para sa mga kapamilya nindo, sa mga kaibanan nindo sa lunadan o sa harong, o sa tinutukduan nindo ngunyan sa Bibliya. Dai tabi maglaag nin mga gamit sa mga tukawan na dai man nindo irereserba.

VOLUNTEER SERVICE Kun gusto nindong tumabang sa mga gibuhon sa kumbensiyon, magreport tabi sa Information and Volunteer Service Department.

School for Kingdom Evangelizers An mga payunir na an edad 23 sagkod 65 asin interesadong pahiwason an saindang ministeryo iniimbitaran na mag-atender sa miting para sa mga gustong mag-aplay sa School for Kingdom Evangelizers na gigibuhon sa Domingong aga. Ipapaisi an eksaktong oras asin lugar kan miting na ini.