Boot Ming Makatabang

An pulyetong ini ginibo tanganing orog nindong maaraman an mga aktibidad kan mga Saksi ni Jehova asin an saindang mga areglo asin matabangan kamo na umoswag an kaaraman sa Biblia. Tibaad nadalaw na kamo nin mga Saksi ni Jehova, o tibaad nakaolay nindo sinda sa tinampo o sa iba pang lugar. Tibaad nakikipag-adal sa saindo ngonyan an saro sa mga Saksi.

Aram daw nindo na an mensahe ninda manongod sa Kahadean nin Dios ibinabalangibog sa bilog na kinaban? Taano daw? An dahelan iyo na an Dios, an satong Kaglalang, boot na an mga tawo hale sa gabos na nasyon magkasararo sa pagsamba sa saiya. Ihinula Nia para sa satong panahon: “Dakol na banwaan an maduruman asin masarabi: ‘Madia kamo, banwaan, asin magtukad kita sa bukid ni Jehova, sa harong kan Dios ni Jacob; asin totokdoan nia kita dapit sa saiyang mga dalan, asin kita maglalakaw sa saiyang mga dana.’”—Isaias 2:2, 3.

An gibohon kan mga Saksi ni Jehova sa pagbareta saindo manongod sa mga dalan nin Dios kaotoban kan hulang ini. Ipaheheling kan minasunod na mga pahina kun taano an gibohon na ini ta mahalaga ngonyan asin kun paano kamo makikinabang dian.