Nagkakasararo sa Pag-otob sa Kabotan nin Dios

Kami naglalaom na an impormasyon na iinatubang sa pulyetong ini manongod sa ministeryo, mga pagtiripon, asin organisasyon kan mga Saksi ni Jehova makadagka sa saindo na nagbabasa na orog na makiasosyar sa sainda sa pagsamba sa Dios. Inaagda mi kamo na kamo mismo an makamidbid sa mga Saksi paagi sa personal na pakikiasosyar sa kongregasyon nin mga Saksi ni Jehova asin pag-atender sa saindang mga asamblea. Dakula an ikakatabang kaini sa saindong pakasabot sa kabotan nin Dios sa panahon na ini.—Tito 2:11-14.

Mantang iinooyon nindo an saindong buhay sa pamantayan kan Biblia para sa marahay na mga gibo, magkakapribilehiyo man kamo na umiba sa mga Saksi ni Jehova sa saindang mga gibohon. Apuwera sa pagkakamit nin mainit na pakikiasosyar sa kasararoan nin mga tugang sa bilog na kinaban, makakalaom kamo na makaligtas sa katapusan kan presenteng palakaw nin mga bagay pasiring sa bagong palakaw na duman an katoninongan asin katanosan an mag-eerok.—2 Pedro 3:13.

[Mga ritrato sa pahina 30, 31]

Mga retrato hale sa 18 kan labing 200 na kadagaan asin isla na duman an mga Saksi ni Jehova sararo sa pag-otob sa kabotan nin Dios

Nigeria

Austria

Brazil

Hapon

Canada

Guatemala

 Argentina

Alemania

Taiwan

Finland

South Africa

India

Estados Unidos

Fiji

Chile

Italia

Bolivia

Pilipinas