HAPOT 2
Paano Mo Maaaraman an mga Bagay Manungod sa Diyos?
“An librong ini kan Ley dai dapat sumuhay sa saimong nguso, asin basahon mo iyan nin pahinghing aldaw asin banggi, tanganing masunod mo nin maingat an gabos na nakasurat diyan; huli ta paagi kaiyan magigin mapanggana an saimong dalan asin mahiro ka nin may kadunungan.”
“Asin nagpadagos sinda sa pagbasa nin makusog sa libro, sa Ley kan tunay na Diyos, na ipinapaliwanag iyan nin malinaw asin itinatao an kahulugan; kaya tinabangan ninda an banwaan na masabutan an binabasa.”
“Maugma an tawo na dai naglalakaw sigun sa sadol kan mga maraot . . . , imbes, an saiyang dakulang kaugmahan yaon sa ley ni Jehova, asin an Saiyang ley binabasa niya nin pahinghing aldaw asin banggi. . . . An gabos niyang ginigibo magigin mapanggana.”
“Duminalagan si Felipe sa may gilid asin nadangog niya na binabasa kaini nin makusog an libro ni Isaias na propeta, asin sinabi niya: ‘Talaga daw na aram mo an binabasa mo?’ Nagsabi ini: ‘An totoo, paano ko man magigibo iyan kun dai nin maggiya sako?’”
“An saiyang dai nahihiling na mga kuwalidad malinaw na nahihiling puon pa sa paglalang kan kinaban padagos, huli ta an mga iyan namamansayan paagi sa mga bagay na ginibo, pati an saiyang daing sagkod na kapangyarihan asin pagka-Diyos, kaya mayo sinda nin maidadahilan.”
“Hurop-hurupon mo an mga bagay na ini; tawan mo iyan nin lubos na atensiyon, tanganing an saimong pag-uswag malinaw na mahiling kan gabos na tawo.”
“Magin interesado kita sa lambang saro tanganing mapahiro an kada saro na magpahiling nin pagkamuot asin maggibo nin marahay, na dai pinapabayaan an satong pagtiripon.”
“Kun an siisay man sa saindo kulang sa kadunungan, padagos siyang maghagad sa Diyos, huli ta siya abundang nagtatao sa gabos asin dai nang-aanggot, asin itatao iyan sa saiya.”
.
