HAPOT 7
Ano an Ihinula kan Bibliya Manungod sa Panahon Ta?
“An nasyon makikilaban sa nasyon asin an kahadian makikilaban sa kahadian . . . An gabos na bagay na ini kapinunan nin mga kasakitan.”
“Dakul na bakong tunay na propeta an maralataw asin manglalagalag nin dakul; asin dahil sa pag-urog nin karatan, magigin malipot an pagkamuot kan kadaklan.”
“Pag nakadangog kamo nin ribok nin mga giyera asin mga bareta manungod sa mga giyera, dai kamo mataranta; an mga bagay na ini kaipuhan na mangyari, alagad bako pa iyan an katapusan.”
“Magkakaigwa nin makukusog na linog, asin sunod-sunod na grabeng gutom saka nakakaulakit na mga hilang sa manlain-lain na lugar; asin an mga tawo makakahiling nin nakakatakot na mga bagay saka makakahiling sinda nin darakulang tanda sa langit.”
“Sa huring mga aldaw maabot an delikadong mga panahon na masakit pakibagayan. Huli ta an mga tawo magigin mamumuton sa sadiri, mamumuton sa kuwarta, mapagpasikat, mapalangkaw, paralanghad, masinuway sa mga magurang, daing utang na buot, bakong maimbod, bakong mapagpadaba, bakong bukas sa ano man na kasunduan, parapakaraot, daing pagpupugol sa sadiri, maringis, daing pagkamuot sa karahayan, traydor, matagas an payo, orgulyoso, mamumuton sa pagpasiram-siram imbes na mamumuton sa Diyos, maki-Diyos paghilingon pero kabaliktaran man an ginigibo.”