“Sa arog kaiyan na paagi dapat na mamutan nin mga agom na lalaki an saindang agom na babayi siring sa saindang sadiring hawak. An lalaking namumuot sa saiyang agom na babayi namumuot sa saiyang sadiri, huli ta mayong tawo na naungis kasuarin man sa sadiri niyang hawak, kundi pinapakakan niya asin pinapadaba iyan . . . An lambang saro sa saindo dapat na mamuot sa saiyang agom na babayi arog kan pagkamuot niya sa saiyang sadiri.”

Efeso 5:28, 29, 33

“Mga ama, dai nindo pagpaangguton an saindong mga aki, kundi padagos na padakulaon sinda sa disiplina asin sadol ni Jehova.”

Efeso 6:4

“An agom na babayi maninigong magkaigwa nin hararom na paggalang sa saiyang agom.”

Efeso 5:33

“Kamong mga agom na babayi, magpasakop kamo sa saindong agom, siring sa kun ano an angay sa Kagurangnan.”

Colosas 3:18

“Mga aki, magin masinunod kamo sa saindong mga magurang sa paaging inuuyunan kan Kagurangnan, huli ta ini matanos. An ‘Tawan mo nin onra an saimong ama saka an saimong ina’ iyo an inot na pagbuot na may panuga: ‘Tanganing maparahay ka asin magdanay nin halawig na panahon sa daga.’”

Efeso 6:1-3

“Kamong mga aki, magin masinunod sa saindong mga magurang sa gabos na bagay, huli ta ini nakakapaugmang marhay sa Kagurangnan.”

Colosas 3:20