“Magigin sadiri kan mga matanos an daga, asin maistar sinda diyan sagkod lamang.”

Salmo 37:29

“An daga nagdadanay sagkod lamang.”

Eclesiastes 1:4

“Hahalunon niya an kagadanan sagkod lamang, asin papahidon kan Soberanong Kagurangnan na Jehova an mga luha sa gabos na lalawgon.”

Isaias 25:8

“Sa panahon na iyan an mga mata kan mga buta magkakamuruklat, asin an mga talinga kan mga bungog magkakaburukasan. Sa panahon na iyan an mga pilay malurulukso arog kan usa, asin an dila kan mga pula makurahaw sa kaugmahan. Huli ta an katubigan maburakbusak sa kaawagan, asin an mga sapa sa disyerto.”

Isaias 35:5, 6

“Papahidon niya an gabos na luha sa saindang mga mata, asin mawawara na an kagadanan, pati pagmundo, pagtangis, asin kulog. An dating mga bagay nakalihis na.”

Kapahayagan 21:4

 “Matugdok sinda nin mga harong asin maistar diyan, asin matanom sinda nin mga ubas asin kakakanon ninda an bunga kaiyan. Dai sinda matugdok na iba an maistar, ni matanom man sinda na iba an makakan. Huli ta magigin siring sa mga aldaw nin kahoy an mga aldaw kan sakuyang banwaan, asin lubos na papakinabangan kan sakuyang mga pinili an mga gibo kan saindang kamot.”

Isaias 65:21, 22