KAHON 18A
Nagpapatanid si Jehova sa Nagdadangadang na Dakulang Ralaban
Dakul nin propesiya sa Bibliya na nagpapatanid manungod sa pangultimong ralaban kun sain paparaon ni Jehova an gabos na nagkokontra sa saiya asin sa saiyang banwaan. Uni an nagkapira sa mga propesiyang iyan. Mangnuhon an pagkakaagid sa mga patanid na ini, asin risahon kun paano sinisigurado ni Jehova na an gabos na tawo may oportunidad na madangog iyan asin humiro kauyon kaiyan.
KAN PANAHON KAN SUANOY NA ISRAEL
EZEKIEL: “‘Mapaabot ako nin espada laban [ki Gog] sa gabos kong kabukidan,’ an sabi kan Soberanong Kagurangnan na Jehova.”—Ezek. 38:18-23.
JEREMIAS: “[Si Jehova] mismo an mahusgar sa gabos na tawo. Asin an mga maraot itatao niya sa espada.”—Jer. 25:31-33.
DANIEL: “An Diyos nin langit maestablisar nin sarong kahadian. . . . Rurunuton kaini asin tatapuson an gabos na kahadian na iyan.”—Dan. 2:44.
INOT NA SIGLO C.E.
JESUS: “Magkakaigwa nin dakulang kasakitan na dai pang arog kaiyan na nangyari puon sa kapinunan kan kinaban.”—Mat. 24:21, 22.
PABLO: “[Si] Jesus kaiba an makapangyarihan niyang mga anghel . . . nagsasagibo . . . nin pamamalos sa mga dai nakakamidbid sa Diyos.”—2 Tes. 1:6-9.
PEDRO: “An aldaw ni Jehova maabot na siring sa sarong parahabon, . . . asin an daga saka an mga bagay na ginibo diyan biyong mahahayag.”—2 Ped. 3:10.
JUAN: “May luminuwas hali sa . . . nguso [ni Jesus] na sarong matarom na halabang espada na gagamiton niya para laglagon an mga nasyon.”—Kap. 19:11-18.
SA PRESENTENG PANAHON
An Bibliya iyo an librong itrinadusir sa pinakadakul na lengguwahe asin may pinakamahiwas na sirkulasyon sa bilog na kasaysayan
AN MGA LINGKOD NI JEHOVA SA NGUNYAN . . .
-
Nagdidistribwir nin binilyon na kopya nin mga babasahon sa Bibliya sa ginatos na lengguwahe
-
Naggagamit nin ginatos na milyon na oras kada taon sa paghuhulit
