KAHON 19B
An Turo Nagin Dakulang Salog!
Pigsusog ni Ezekiel an tubig na nagtuturo hali sa santuwaryo ni Jehova na milagrosong nagin hararom na salog sa distansiyang mga duwang kilometro sana! Sa mag-ibong na pangpang kan salog, nakahiling siya nin marambong na mga kahoy na igwa nin masusustansiyang bunga asin nakakapaumay na mga dahon. Ano an buot sabihon kan mga iyan?
An Salog Nagdadara nin mga Bendisyon
KAN SUANOY NA PANAHON: Kan an mga nadistiyero makabalik na sa saindang daga, nagbulos sainda an mga bendisyon mantang nakikipagtabangan sinda sa pagbabalik kan dalisay na pagsamba sa templo
SA PRESENTE: Ibinalik kan 1919 an dalisay na pagsamba, na nagbukas nin dalan para sa dai pang kaagid na pagbulos nin espirituwal na mga bendisyon sa maimbod na mga lingkod nin Diyos
SA MAABOT: Pagkatapos kan Armagedon, mabulos an mga bendisyon na hali ki Jehova sa pisikal asin sa espirituwal
Nagtataong-Buhay na Tubig
KAN SUANOY NA PANAHON: Abundang binendisyunan ni Jehova an saiyang masinunod na banwaan, dawa kan nagdakul an bilang ninda, na nagin dahilan na mag-uswag sinda sa espirituwal
SA PRESENTE: Sa nag-uuswag na espirituwal na paraiso, padakul nin padakul an nakikinabang sa nagdadakulang pagbulos kan espirituwal na mga bendisyon ni Jehova asin nagkaigwa nin marahay na espirituwalidad
SA MAABOT: Makakaibanan kan mga makakaligtas sa Armagedon an milyon-milyon na bubuhayon liwat, asin magigin abunda an bendisyon ni Jehova para sa gabos
Mga Kahoy na Nagtatao nin Kakanon Asin Nakakapaumay
KAN SUANOY NA PANAHON: Pinakakan ni Jehova sa espirituwal an saiyang maimbod na banwaan sa saindang ibinalik na daga; pinaumayan niya man an saindang hilang sa espirituwal na haloy nang nagpapasakit sa sainda
SA PRESENTE: Nakakatabang sa mga tawo an abundang espirituwal na kakanon na malikayan an hilang asin pagkagutom sa espirituwal na lakop sa kinaban ngunyan
SA MAABOT: Tatabangan ni Cristo asin kan saiyang 144,000 na kairibang tagapamahala na magin perpekto an gabos na masinunod na tawo asin magkaigwa nin marahay na salud saka magdanay na makusog sagkod lamang!
