SEKSIYON DOS
“An Sakuyang Santuwaryo an Rinamugan Mo”—Naramugan an Dalisay na Pagsamba
POKUS: Nagin marauton an kamugtakan sa espirituwal saka moral kan Juda asin Jerusalem
Namutan saka inataman ni Jehova an mga Israelita, asin ibinilang niya sinda na “pinapahalagahan na rugaring.” (Exo. 19:5, nota sa ibaba) Pero ano an ibinalos ninda ki Jehova? Pagsamba sa palsong mga diyos sa mismong templo na nagdadara kan saiyang pangaran! Kinulgan ninda an puso ni Jehova, asin dinarahan ninda siya nin katuyawan. Taano ta nagin arog kaiyan karaot an Israel? Ano an manunudan ta sa propesiya ni Ezekiel manungod sa paglaglag sa Jerusalem? Asin ano an manunudan ta sa pakikiiba kan Israel sa mga nakapalibot na nasyon?
SA SEKSIYON NA INI
KAPITULO 5
“Hilingon Mo an Maraot Saka Makababalding mga Bagay na Ginigibo Ninda”
Nahiling ni Ezekiel an makagurugirabong mga eksena na nagpapahiling kan marauton na kamugtakan sa espirituwal kan bilog na nasyon.
KAPITULO 6
“Nag-abot Na sa Saimo Ngunyan an Katapusan”
An mga propesiya na iinakto ni Ezekiel mga hula na nagpapahayag kan kaanggutan ni Jehova sa Jerusalem.
KAPITULO 7
Mamimidbid Nanggad kan mga Nasyon na Ako si Jehova
An mga nasyon na nagpakaraot sa pangaran ni Jehova asin nagpersegir o nang-impluwensiya sa saiyang banwaan dai makakadulag sa mga konsekwensiya kan saindang mga ginibo. Anong mga leksiyon an manunudan ta sa pakikiiba kan Israel sa mga nasyon na idto?
