SEKSIYON TRES
“Titipunon Ko . . . Kamo”—Ipinanuga an Pagbabalik kan Dalisay na Pagsamba
POKUS: Ihinayag sa mga propesiya ni Ezekiel an pagbabalik kan dalisay na pagsamba
Nagkabaranga an mga Israelita—rinaot kan apostasya an saindang pagkasararo. Sinasapar ninda an konsekwensiya kan saindang mga ginibo; rinamugan ninda an dalisay na pagsamba asin pinakaraot an pangaran nin Diyos. Sa ibong kaiyan, pinahiro ni Jehova si Ezekiel na maghayag nin mga propesiya na nagtatao nin paglaom. Gamit an buhay na buhay na paglaladawan asin kahanga-hangang mga bisyon, pinakusog ni Jehova an mga bihag na Israelita saka an gabos na nagmamawot na mahiling na maibalik an dalisay na pagsamba.
SA SEKSIYON NA INI
KAPITULO 8
“Tatawan Ko Sinda nin Sarong Pastor”
Pinasabngan nin Diyos si Ezekiel na magpropesiya manungod sa Mesiyas, an magigin Tagapamahala asin Pastor kan banwaan ni Jehova, na permanenteng mabalik kan dalisay na pagsamba.
KAPITULO 9
“Tatawan Ko Sinda nin Nagkakasararong Puso”
Igwa daw nin kahulugan sa sato an mga propesiya na itinao sa maimbod na mga Judiong idinistiyero sa Babilonya?
KAPITULO 10
“Mabubuhay Kamo”
Sa sarong bisyon, nahiling ni Ezekiel an sarong kababan na pano nin alang na mga tulang, asin nagkaburuhay an mga iyan. Ano an kahulugan kaiyan?
KAPITULO 11
“Itinalaga Taka Bilang Bantay”
Ano an papel asin mga paninimbagan kan bantay na ini? Anong patanid an ipapahayag niya?
KAPITULO 12
“Gigibuhon Ko Sindang Sarong Nasyon”
Nanunuga si Jehova na pagkakasararuon niya an saiyang banwaan.
KAPITULO 13
“Iladawan Mo an Templo”
Ano an kahulugan kan templo na nahiling ni Ezekiel sa sarong bisyon?
KAPITULO 14
“Ini an Katugunan kan Templo”
Anong mga leksiyon sa bisyon ni Ezekiel manungod sa templo an posibleng nanudan kan mga Judio kan panahon niya? Asin ano an kahulugan kan bisyon para sa sato ngunyan?
