SEKSIYON 3
Mga Pamantayan kan Kahadian—Paghanap sa Katanusan nin Diyos
MANTANG naglalakaw ka, pinaypay mo an kataid nindo. Kan nakaaging mga aldaw, nariparo mo na pig-oobserbaran ka niya asin an pamilya mo. Pinaypay ka man niya para rumani sa saiya. Nagsabi siya: “May ihahapot lang ako saimo. Taano ta ibang-iba kamo?” “Ano an buot mong sabihon?” an hapot mo. Nagsimbag siya: “Mga Saksi ni Jehova kamo, bako? Bako kamong arog nin iba. Bako kamong kapareho nin ibang relihiyon—dai kamo nagseselebrar nin mga holiday, saka dai kamo nakikilabot sa pulitika asin giyera. Dai nin nagsisigarilyo saindo. Saka garo halangkaw an pamantayan sa moral kan pamilya mo. Taano ta ibang-iba nanggad kamo?”
Aram mong an simbag iyo sana ini: Namumuhay kita na sakop kan pamamahala kan Kahadian nin Diyos. Padagos kitang dinadalisay ni Jesus bilang Hadi. Tinatabangan niya kita na sumunod sa mga lakad niya asin sa siring magin napapalain nanggad sa maraot na kinaban na ini. Mahihiling ta sa seksiyon na ini kun paano dinadalisay kan Mesiyanikong Kahadian an mga lingkod nin Diyos sa espirituwal, moral, asin organisasyonal na paagi—an gabos sa ikakamuraway ni Jehova.
SA SEKSIYON NA INI
KAPITULO 10
Dinadalisay kan Hadi sa Espirituwal na Paagi an mga Lingkod Niya
Ano an pagkakapareho kan Pasko asin kan krus?
KAPITULO 11
Pagdalisay sa Moral—Nagpapabanaag kan Kabanalan nin Diyos
An mga kuwarto nin mga guwardiya asin mga entrada sa templo sa bisyon ni Ezequiel may espesyal na kahulugan para sa mga lingkod nin Diyos puon 1914.
KAPITULO 12
Organisado Para Maglingkod sa ‘Diyos nin Katuninungan’
Dai ipinahiling kan Bibliya an pagkakalain nin pagkadis-areglado asin pagigin areglado, kundi an pagkakalain nin pagkadis-areglado asin katuninungan. Taano? Asin ano an epekto sa mga Kristiyano ngunyan kan simbag diyan?