Gusto ni Jehova na magin maugma kita asin magkaigwa pa ngani nin mga selebrasyon paminsan-minsan. Pero gabos daw na selebrasyon inuuyunan niya? Paano ta maipapahiling an satong pagkamuot ki Jehova sa bagay na iyan?

1. Taano ta dakul na selebrasyon an dai inuuyunan ni Jehova?

Tibaad magngalas ka na dakul palan na selebrasyon an kontra sa itinutukdo kan Bibliya o hali sa paniniwala kan mga pagano. An siring na mga selebrasyon posibleng konektado sa palsong relihiyon. Tibaad konektado iyan sa espiritismo o base sa mga ideya na imortal an kalag. May mga selebrasyon na konektado sa superstisyon o sa paniniwala sa suwerte. (Isaias 65:11) Pinapatanidan ni Jehova an mga nagsasamba sa saiya: “Isuway nindo an saindong sadiri . . . asin ipundo nindo an pagdutdot kan maating bagay.”—2 Corinto 6:17. a

2. Ano an paghiling ni Jehova sa mga selebrasyon na nagtatao nin labi-labing onra sa mga tawo?

Pinapatanidan kita ni Jehova na dai ibugtak an satong ‘tiwala sa mga tawo man sana.’ (Basahon an Jeremias 17:5.) May mga selebrasyon na nagtataong onra sa mga tagapamahala o mga suldados. May mga selebrasyon man para sa mga simbolo o independensiya kan nasyon. (1 Juan 5:21) Apuwera kaiyan, may mga selebrasyon man na diyan tinatawan nin onra kan mga tawo an pulitikal o sosyal na mga organisasyon. Ano daw an mamamatian ni Jehova kun tatawan ta nin labi-labing onra an sarong tawo o organisasyon, lalo na idtong nagpapalakop nin mga ideya na kontra sa Saiyang katuyuhan?

3. Anong mga gibo-gibo an puwedeng magin dahilan na ikaanggot nin Diyos an sarong selebrasyon?

Kinokondenar kan Bibliya an “sobrang pag-inom nin arak, nagwawarala-walang pag-urugmahan, [asin] pataragalan sa pag-inom.” (1 Pedro 4:3) May mga selebrasyon na diyan an mga tawo wara nang kontrol sa sadiri asin naggigiribo nin imoral na mga bagay. Para magdanay na amigo ni Jehova, dapat kitang rumayo sa maating mga gibo-gibong iyan.

 ARAMON PA

 5. Tabangan an iba na irespeto an saimong mga paniniwala

6. Gusto ni Jehova na magin maugma kita

Gusto ni Jehova na mag-enjoy kita mantang kaibanan an mga kapamilya asin amigo. Basahon an Eclesiastes 8:15, dangan pag-ulayan an hapot na ini:

• Paano ipinapahiling kan bersikulong iyan na gusto ni Jehova na magin maugma kita?

Gusto ni Jehova na mag-enjoy asin mag-uruurugma an mga lingkod niya. I-play an VIDEO para mahiling kun paano iyan risang-risa sa mga internasyonal na kumbensiyon kan mga Saksi ni Jehova.

Basahon an Galacia 6:10, dangan pag-ulayan an mga hapot na ini:

• Kaipuhan daw na magkaigwa nin mga okasyon para makagibo kita nin “marahay” sa iba?

• Ano an mas makakapaugma sa saimo—pag naoobligar kang magtao dahil sa sarong okasyon o pag nagtatao ka nin gikan sa buot?

• Dakul na Saksi an nag-aareglo paminsan-minsan nin sarong espesyal na bagay na makakapaugma sa mga aki ninda asin rineregaluhan pa ngani an mga ini dawa mayong okasyon. Kun may aki ka, ano an puwede mong gibuhon na magigin espesyal para sa sainda?

 SUMARYO

Gusto ni Jehova na mag-enjoy kita kaiba kan mga kapamilya ta asin amigo. Pero habo niyang magselebrar kita nin mga okasyon na makakapaanggot sa saiya.

Rebyu

• Ano an mga puwede tang ihapot para maaraman kun baga ikinakaanggot ni Jehova an sarong selebrasyon?

• Paano ta matatabangan an mga kapamilya ta asin amigo na masabutan an desisyon ta manungod sa mga selebrasyon?

• Taano ta masasabi mong gusto ni Jehova na mag-enjoy kita saka mag-uruurugma?