KABTANG 3
Ano Daw an Buhay Kaidto sa Paraiso?
Tinawan ni Jehova si Adan asin Eva nin dakul na marahay na bagay. Genesis 1:28
Ginibo ni Jehova an inot na babayi, si Eva, asin itinao ki Adan para magin agom kaini.—Genesis 2:21, 22.
Linalang sinda ni Jehova na may perpektong isip asin hawak; mayo sinda nin ano man na depekto.
An Paraisong istaran ninda iyo an hardin nin Eden—sarong magayunon na lugar na may salog asin mga namumungang kahoy saka mga hayop.
Nakikipag-ulay sa sainda si Jehova; tinutukduan niya sinda. Kun madangog sinda sa saiya, mabubuhay sinda nin daing katapusan sa Paraiso sa daga.
Sinabi nin Diyos na dai magkakan kan bunga kan saro sa mga kahoy. Genesis 2:16, 17
Ipinahiling ni Jehova ki Adan asin Eva sa hardin an sarong namumungang kahoy asin sinabihan sinda na kun makakan sinda kan bunga kaiyan, magagadan sinda.
Saro sa mga anghel an nagrebelde sa Diyos. An maraot na anghel na iyan iyo si Satanas na Diyablo.
Habo ni Satanas na magsunod si Adan asin Eva ki Jehova. Kaya, naggamit siya nin halas para sabihan si Eva na kun makakan siya kan bunga kan kahoy na iyan, dai siya magagadan, imbes magigin kapareho siya nin Diyos. Pero, bako iyan totoo.—Genesis 3:1-5.
Puwede Mo Man Magustuhan
MAHALAGANG MGA TUKDO KAN BIBLIYA
Taano ta Linalang nin Diyos an Daga?
Magayunon an satong daga. Ibinugtak iyan sa tama sanang distansiya hali sa saldang, nakatagilid iyan sa tama sanang anggulo, asin minaitok iyan sa tama sanang rikas. Taano ta hininguwang marhay nin Diyos na lalangon an daga?
AN BIBLIA—ANO AN MENSAHE KAIYAN?
An Kaglalang Nagtao nin Paraiso sa Tawo
Paano ilinaladawan kan Biblia an paglalang sa mga tawo? Anong mga pagboot an itinao nin Dios sa enot na mag-agom?
