KABTANG 9
Nuarin Maabot an Paraiso?
An kariribukan sa daga patunay na madali nang humiro an Kahadian nin Diyos. Lucas 21:10, 11; 2 Timoteo 3:1-5
Ihinula kan Bibliya an dakul sa mga nangyayari ngunyan. Sinabi kaiyan na an mga tawo magigin mamumuton sa kuwarta, masinuway sa mga magurang, maringis, saka mahilig magpasiram-siram.
Magkakaigwa nin makusog na mga linog, mga giyera, kakulangan nin kakanon, asin lakop na hilang. Nangyayari na iyan ngunyan.
Sinabi man ni Jesus na ihuhulit sa bilog na daga an maugmang bareta manungod sa Kahadian.—Mateo 24:14.
Hahalion kan Kahadian an gabos na karatan. 2 Pedro 3:13
Madali nang paraon ni Jehova an gabos na maraot.
Papadusahan si Satanas asin an mga demonyo.
An mga nagdadangog sa Diyos makakaligtas pasiring sa sarong matanos na bagong kinaban, na diyan mayo nang takot asin an mga tawo may tiwala saka pagkamuot sa lambang saro.
Puwede Mo Man Magustuhan
LIBRO ASIN BROSYUR
Ano an Kahadian nin Diyos?
Kan nasa daga si Jesus, nagpahiling siya nin patanaw kan gigibuhon kan Kahadian.
LIBRO ASIN BROSYUR
Matatapos Pa Daw an mga Pagsakit?
Sinasabi kan Bibliya na anggot an Diyos sa inhustisya asin na talagang nagmamalasakit siya sa mga tawo. Paano iyan makakatabang saimo?
