KAPITULO 16
Labanan an Diyablo
“Labanan nindo an Diyablo, asin madulag siya sa saindo.”—SANTIAGO 4:7.
1, 2. Ano an kaipuhan niyatong maaraman manungod ki Satanas asin sa mga demonyo?
MAGAYUNON an magigin buhay sa bagong kinaban ni Jehova. Mabubuhay man giraray kita kauyon kan orihinal na katuyuhan nin Diyos para sa sato. Pero sa ngunyan, nabubuhay pa kita sa kinaban na kontrolado ni Satanas asin kan saiyang mga demonyo. (2 Corinto 4:4) Maski ngani dai ta sinda nahihiling, yaon sinda asin makapangyarihan na marhay.
2 Sa kapitulong ini, aaramon niyato kun paano kita padagos na magigin harani ki Jehova saka kun paano ta mapoprotektaran an satong sadiri laban ki Satanas. Nangangako si Jehova na tatabangan niya kita. Pero kaipuhan niyatong maaraman an mga pamamaagi na ginagamit ni Satanas asin kan saiyang mga demonyo para dayaon asin atakihon kita.
“SIRING SA NAG-UUNGAL NA LEON”
3. Ano an gustong gibuhon sa sato kan Diyablo?
3 Pinapaluwas ni Satanas na naglilingkod daa kita ki Jehova dahil sa sadiri sanang pakinabang asin na mapundo kita sa paglilingkod sa Saiya pag mag-agi na kita nin masakit na mga problema. (Basahon an Job 2:4, 5.) Pag ipinapahiling kan saro na gusto niyang makanuod manungod ki Jehova, naririsa iyan ni Satanas asin kan mga demonyo kaya hihinguwahon nindang papunduhon siya. Anggot sinda pag may sarong tawo na nagdudusay kan saiyang sadiri ki Jehova asin nagpapabawtismo. Ikinukumparar kan Bibliya an Diyablo sa sarong “nag-uungal na leon, na naghahanap nin masisiba.” (1 Pedro 5:8) Gustong rauton ni Satanas an relasyon ta ki Jehova.—Salmo 7:1, 2; 2 Timoteo 3:12.
Anggot si Satanas pag idinudusay ta an satong sadiri ki Jehova
4, 5. (a) Ano an dai magigibo ni Satanas? (b) Ano an buot sabihon kan ‘labanan an Diyablo’?
4 Pero dai ta kaipuhan na matakot ki Satanas asin sa saiyang mga demonyo. Linimitaran ni Jehova an kaya nindang gibuhon sa sato. Nangangako si Jehova na “sarong dakulang kadaklan” nin tunay na mga Kristiyano an makakaligtas sa “grabeng kasakitan,” o dakulang kahurasaan. (Kapahayagan 7:9, 14) Daing magigibo an Diyablo para pugulan iyan na mangyari, huling pinoprotektaran ni Jehova an Saiyang mga lingkod.
5 Kun padagos kitang magigin harani ki Jehova, dai kayang rauton ni Satanas an satong relasyon sa Saiya. Sinisigurado sa sato kan Tataramon nin Diyos: “Nasa kaibanan nindo si Jehova kun padagos kamong nasa kaibanan niya.” (2 Cronica 15:2, NW; basahon an 1 Corinto 10:13.) Dakul na maimbod na mga lalaki asin babayi kaidto, arog ni Abel, Enoc, Noe, Sara, asin Moises, an padagos na nagin harani ki Jehova kaya nalabanan ninda an Diyablo. (Hebreo 11:4-40) Magigibo ta man iyan. Nangangako an Tataramon nin Diyos: “Labanan nindo an Diyablo, asin madulag siya sa saindo.”—Santiago 4:7.
“IGWA KITA NIN PAKIKIPAGLABAN”
6. Paano kita inaatake ni Satanas?
6 Maski ngani aram ni Satanas na linimitaran ni Jehova an kaya niyang gibuhon sa sato, gigibuhon niya pa man giraray an gabos para paluyahon an satong relasyon sa Diyos. Sa ngunyan, kadakul nin estratehiya an Diyablo para atakihon kita, asin ribo-ribong taon na niyang ginagamit iyan. Ano an nagkapira sa mga iyan?
7. Taano ta inaatake ni Satanas an mga lingkod ni Jehova?
7 Si apostol Juan nagsurat: “An bilog na kinaban nasa kapangyarihan kan saro na maraot.” (1 Juan 5:19) Kontrolado ni Satanas an maraot na kinaban na ini asin gusto niyang makontrol pati an mga lingkod ni Jehova. (Miqueas 4:1; Juan 15:19; Kapahayagan 12:12, 17) Aram kan Diyablo na dikit na panahon na sana an natatada sa saiya, kaya grabe an ginigibo niya para masakitan kita asin dai magin maimbod sa Diyos. Kun minsan, direkta an mga pag-atake kan Diyablo, pero may mga pagkakataon na dai gayong risa an pag-atake niya.
8. Ano an dapat na tandaan kan lambang Kristiyano?
Efeso 6:12: “Igwa kita nin pakikipaglaban [“pakikipaggumulan,” nota sa ibaba] . . . tumang sa maraot na mga puwersang espiritu sa langitnon na mga lugar.” An lambang Kristiyano igwa nin pakikipaglaban sa Diyablo asin sa mga demonyo. Dapat tang tandaan na an gabos na nagdusay ki Jehova kaiba sa laban na ini. Sa saiyang surat sa mga taga Efeso, tulong beses na sinabihan ni apostol Pablo an mga Kristiyano na ‘manindugan.’—Efeso 6:11, 13, 14.
8 Mababasa ta sa9. Ano an hinihinguwang gibuhon sa sato ni Satanas asin kan mga demonyo?
9 Hinihinguwa ni Satanas asin kan mga demonyo na dayaon kita sa iba-ibang paagi. Bakong komo nalabanan ta an sarong pakana ni Satanas, dai na kita madadaya kan iba niyang pakana. Hinihinguwa kan Diyablo na hanapon an satong mga kaluyahan tanganing makapili siya nin pakana para mabiktima kita. Pero puwede ta iyan malikayan ta itinutukdo na sa sato kan Bibliya an mga pakana ni Satanas. (2 Corinto 2:11; hilingon an Dagdag na Impormasyon 31.) An saro sa mga ini iyo an demonismo.
RUMAYO SA MGA DEMONYO
10. (a) Ano an demonismo? (b) Ano an paghiling ni Jehova sa demonismo?
10 Kaiba sa demonismo an ano man na paagi nin pakikipag-ulay sa mga demonyo, arog kan panghuhula, pangkukulam, mga orasyon, o pakikipag-ulay sa mga gadan. Sinasabi sa sato kan Bibliya na an demonismo “makababaldi” asin dai ta masasamba si Jehova kun naggigibo kita kaiyan. (Deuteronomio 18:10-12, NW; Kapahayagan 21:8) Dapat na biyong likayan kan mga Kristiyano an gabos na klase nin demonismo.—Roma 12:9.
11. Ano an puwedeng magin resulta kun magigin interesado kita sa misteryosong mga kapangyarihan?
11 Aram ni Satanas na kun magigin interesado kita sa
misteryosong mga kapangyarihan, o supernatural, mas magigin madali para sa saiya na engganyaron kita sa demonismo. Makakaraot sa satong relasyon ki Jehova an ano man na klase nin demonismo.HINIHINGUWA NI SATANAS NA DAYAON KITA
12. Ano an gusto ni Satanas na isipon ta?
12 Riniribaraw ni Satanas an isip nin mga tawo. Luway-luway niyang itinatanom sa isip kan mga tawo an mga pagduda, sagkod na isipon ninda na “an marahay maraot asin an maraot marahay.” (Isaias 5:20, NW) Pinapalakop kan Diyablo an kaisipan na dai makakatabang sa sato an mga giya kan Bibliya asin na mas magigin maugma kita kun babaliwalaon ta an mga pamantayan nin Diyos.
13. Paano hinihinguwa ni Satanas na magtanom nin mga pagduda sa satong isip?
13 An pagtanom nin mga pagduda an saro sa pinakaepektibong pamamaagi ni Satanas. Haloy na panahon na niyang ginagamit iyan. Sa hardin nin Eden, hininguwa niyang papagdudahon si Eva kan haputon niya ini: “Talagang sinabi nin Diyos na dai kamo dapat magkakan kan bunga kan gabos na kahoy sa hardin?” (Genesis 3:1, NW) Kan panahon man ni Job, hinapot ni Satanas si Jehova sa atubangan kan mga anghel: “Dai daw nin dahilan kun kaya natatakot si Job sa Diyos?” (Job 1:9, NW) Pakabawtismo ki Jesus, inangat man siya ni Satanas sa pagsabing: “Kun aki ka nin Diyos, sabihan mo ining mga gapo na magin mga tinapay.”—Mateo 4:3.
14. Ano an ginigibo ni Satanas para isipon kan mga tawo na bako man peligroso an demonismo?
14 Sa ngunyan, an Diyablo padagos na nagtatanom nin mga pagduda sa isip kan mga tawo. Pinapaluwas niya na mayo man nin peligro an nagkapirang klase kan demonismo para isipon kan mga tawo na bako man talagang 2 Corinto 11:3) Kaya ano an magigibo niyato para maprotektaran an satong sadiri? Paano ta masisigurado na dai kita nadadaya kan mga pakana ni Satanas? Pag-ulayan ta an duwang bagay na diyan puwede kitang madaya: an libangan asin an pagpabulong.
arog kaiyan karaot an demonismo. Nabiktima kaiyan dawa an nagkapirang Kristiyano. (GINAGAMIT NI SATANAS LABAN SATO AN NATURAL TANG MGA PAGMAWOT
15. Sa pinipili tang mga libangan, paano kita puwedeng maimbuwelto sa mga demonyo?
15 Sa ngunyan, dakul an pelikula, video, programa sa TV, computer game, asin website na manungod sa mga demonyo, mahika, asin misteryosong mga kapangyarihan. Para sa dakul, libangan man sana an mga ini. Dai ninda nahihiling na delikado sinda ta pinapalaog ninda sa buhay ninda an mga demonyo. Puwede man na maimbuwelto an sarong tawo sa demonismo paagi sa mga horoscope, panghihimalad, baraha sa panghuhula, asin bolang kristal. Itinatago kan Diyablo an peligro kaiyan asin pinapaluwas niyang misteryoso, makangangalas, saka nakakaugma an mga bagay na iyan. Puwede pa nganing isipon nin saro na mayo man maraot sa paghiling nin mga bagay na manungod sa demonismo o misteryosong mga kapangyarihan basta dai man siya aktuwal na naggigibo nin demonismo. Taano ta delikado an kaisipan na iyan?—1 Corinto 10:12.
16. Taano ta dapat na likayan ta an mga libangan na manungod sa misteryosong mga kapangyarihan?
16 Dai kayang basahon ni Satanas asin kan mga demonyo an satong isip. Pero kaya nindang maaraman kun ano an gusto asin iniisip ta paagi sa pag-obserbar sa mga pinipili niyato para sa satong sadiri asin sa satong pamilya, kaiba na diyan an mga pinipili tang libangan. Kun nagpipili kita nin mga pelikula, musika, o libro manungod sa mga Galacia 6:7.
espiritista, mahika, pagsanib nin mga demonyo, mangkukulam, bampira, o iba pang arog kaiyan, mahihiling diyan ni Satanas asin kan mga demonyo na interesado kita sa mga iyan. Tapos, hihinguwahon ninda na lalo pa kitang maimbuwelto sa demonismo.—Basahon an17. Paano puwedeng aprobetsaran ni Satanas an pagmawot tang magrahay sa hilang?
17 Puwedeng aprobetsaran man ni Satanas an pagmawot tang magrahay sa hilang. Dakul ngunyan an nasasakitan dahil sa hilang. Tibaad kun sain-sain na sinda nagpapabulong pero dai pa man giraray sinda nararahay. (Marcos 5:25, 26) Dahil desperado na, tibaad purbaran na ninda dawa anong klaseng pagbulong basta lang marahay sinda. Pero bilang mga Kristiyano, dapat kitang mag-ingat na dai mag-ako nin pagbulong na naggagamit nin “kapangyarihan nin mahika.”—Isaias 1:13, NW.
Pag may hilang ka, magtiwala ka ki Jehova
18. Anong mga paagi nin pagbulong an dapat na likayan nin mga Kristiyano?
18 Sa suanoy na Israel, may mga tawong naggamit nin “kapangyarihan nin mahika.” Sinabi ni Jehova sa sainda: “Kun sa pagpamibi an mga palad nindo saindong ibinubuka, itinatago ko sa saindo an sakong mga mata. Dawa pa namimibi kamo nin kadakul, dai ako nagdadangog.” (Isaias 1:15, NW) Isipa iyan—dai lamang dadangugon ni Jehova an saindang mga pamibi! Habo niyatong gumibo nin ano man na makakaraot sa satong relasyon ki Jehova asin makakaulang saiya na tabangan kita, lalo na pag may hilang kita. (Salmo 41:3) Kaya dapat tang aramon kun baga an pinag-iisipan tang pagbulong igwa nin ano man na koneksiyon sa demonismo o sa misteryosong mga kapangyarihan. (Mateo 6:13) Kun igwa, dapat niyatong likayan iyan!—Hilingon an Dagdag na Impormasyon 32.
MGA ISTORYA MANUNGOD SA MGA DEMONYO
19. Taano ta dakul na tawo an natatakot sa Diyablo?
19 Iniisip kan iba na uruistorya sana an Diyablo asin an mga demonyo, pero may mga nagsasabi man na totoo an mga ini dahil naeksperyensiyahan mismo ninda iyan. Dakul na tawo an nabubuhay sa takot sa maraot na mga espiritu asin uripon sinda nin superstisyosong mga paniniwala. May mga nananakot man paagi sa pag-istorya manungod sa maraot na ginigibo kan mga demonyo sa mga tawo. Sa parati, nauugma an mga tawo sa arog kaining mga istorya asin excited man sindang iistorya iyan sa iba. Dahil sa mga istoryang iyan, nagkakatarakot an mga tawo sa Diyablo.
20. Paano ta puwedeng maipalakop an mga kaputikan ni Satanas?
20 Pag-isipan ini—gusto ni Satanas na matakot saiya an 2 Tesalonica 2:9, 10) Putikon siya asin aram niya kun paano iimpluwensiyahan an isip kan mga tawong nahihilig sa demonismo asin patubudon sinda sa mga bagay na bako man totoo. Tibaad iistorya kan mga tawong iyan an pighuhuna nindang nahiling saka nadangog ninda. Mantang mas pauruutrong naiistorya iyan sa iba, lalo man na napapasobrahan iyan. Habo tang mag-istorya nin mga arog kaiyan ta habo tang tabangan si Satanas na dakul pa an matakot sa saiya.—Juan 8:44; 2 Timoteo 2:16.
mga tawo. (21. Imbes na mag-istorya manungod sa mga demonyo, ano an puwede tang iistorya?
21 Kun an sarong lingkod ni Jehova may eksperyensiya sa mga demonyo, dai na niya iyan dapat iistorya sa iba bilang panglibang. Dai kaipuhan matakot an mga lingkod ni Jehova sa ano man na puwedeng gibuhon kan Diyablo asin kan saiyang mga demonyo. Imbes, dapat kitang magpokus ki Jesus asin sa kapangyarihan na itinao ni Jehova sa saiya. (Hebreo 12:2) Dai si Jesus nag-istorya sa saiyang mga disipulo nin manungod sa mga demonyo bilang panglibang. Nagpokus siya sa mensahe kan Kahadian asin sa “makangangalas na mga bagay nin Diyos.”—Gibo 2:11; Lucas 8:1; Roma 1:11, 12.
22. Ano an determinado mong gibuhon?
22 Dai ta paglingawan na gusto ni Satanas na rauton an satong relasyon ki Jehova. Gigibuhon niya an ano man na paagi para mangyari iyan. Pero aram niyato an mga pamamaagi kan Diyablo asin determinado kitang labanan an gabos na klase nin demonismo. Habo niyatong ‘tawan nin oportunidad an Diyablo’ na paluyahon an satong determinasyon. (Basahon an Efeso 4:27.) Iyo, kun lalabanan ta an Diyablo, dai kita mahuhulog sa saiyang mga pakana asin magigin ligtas kita huling poprotektaran kita ni Jehova.—Efeso 6:11.