KABTANG 2
Puon kan Baha Sagkod sa Pagkasalbar sa Ehipto
Walo katawo sana an nakaligtas sa Baha, pero duminakul sinda sagkod na magin ribo-ribo. Dangan, 352 na taon pagkatapos kan Baha, namundag si Abraham. Manunudan ta na tinawan nin Diyos si Abraham nin aking lalaki, si Isaac, bilang pag-utob sa Saiyang panuga. Tapos, sa duwang aki ni Isaac, si Jacob an pinili nin Diyos.
Dakul an nagin aki ni Jacob, 12 lalaki saka nagkapirang babayi. An mga aking lalaki ni Jacob nauri sa mas nguhod nindang tugang na si Jose kaya ipinabakal ninda siya bilang uripon sa Ehipto. Pag-abot nin panahon, si Jose nagin makapangyarihan na tagapamahala sa Ehipto. Kan magkaigwa nin tiggutom, may ginibo si Jose sa mga tugang niya tanganing mahiling kun nagbago na sinda. Tapos, nagbalyo sa Ehipto an bilog na pamilya ni Jacob, an mga Israelita. Nangyari ini 290 taon pagkamundag ni Abraham.
Sa suminunod na 215 taon, an mga Israelita nag-istar sa Ehipto. Pagkagadan ni Jose, sinda nagin mga uripon duman. Namundag si Moises, asin ginamit siya nin Diyos para isalbar an mga Israelita sa Ehipto. Gabos-gabos, 857 taon nin kasaysayan an laog kan Kabtang DOS.
SA SEKSIYON NA INI
ISTORYA 12
Nagtindog nin Dakulang Tore an mga Tawo
Dai naugma an Diyos, asin an padusa na itinao niya igwa pa nin epekto sa mga tawo sagkod ngunyan.
ISTORYA 13
Si Abraham—Amigo nin Diyos
Taano ta binayaan ni Abraham an komportable niyang istaran para mag-istar sa mga tolda sa bilog niyang buhay?
ISTORYA 14
Pigbalo nin Diyos an Pagtubod ni Abraham
Taano ta hinagad nin Diyos ki Abraham na iatang si Isaac?
ISTORYA 16
Nakakua si Isaac nin Maray na Agom
Taano ta maray na agom si Rebeca? Huli daw sa kagayunan niya, o igwa pa nin ibang dahilan?
ISTORYA 17
Kambal Pero Magkalain
Mas padaba si Esau kan saindang ama na si Isaac, pero si Jacob an mas padaba kan saindang ina na si Rebeca .
ISTORYA 18
Nagduman si Jacob sa Haran
Inot na nagin agom ni Jacob si Lea dawa si Raquel an namumutan niya.
ISTORYA 22
Napreso si Jose
Napreso siya bako dahil sa may ginibo siyang sala, kundi huling ginibo niya an tama.
ISTORYA 23
An mga Pangaturugan ni Faraon
An pitong baka asin pitong uhoy nin tipasi igwa nin pagkakapreho.
ISTORYA 24
Pigbalo ni Jose an mga Tugang Niya
Paano niya maaaraman kun nagbago na talaga sinda puon kan ipabakal ninda siya bilang uripon?
ISTORYA 25
Nagbalyo sa Ehipto an Pamilya
Taano ta inapod na mga Israelita an gabos na kabilang sa pamilya ni Jacob imbes na mga Jacobita?
ISTORYA 26
Maimbod si Job sa Diyos
Nawara ki Job an saiyang kayamanan, maray na salud, asin an gabos niyang aki. Pinapadusahan daw siya kan Diyos?
ISTORYA 27
Sarong Maraot na Hadi an Namahala sa Ehipto
Taano ta ipinagbuot niya na gadanon an gabos lalaking umboy na Israelita?
ISTORYA 28
Nakaligtas an Umboy na si Moises
Naaraman kan ina ni Moises na may pagbuot na gadanon an gabos na lalaking umboy na Israelita.
ISTORYA 29
Kun Ta’no ta Nagdulag si Moises
An paghuna ni Moises handa na niyang iligtas an mga Israelita kan siya 40 anyos, pero dai.
ISTORYA 30
An Naglalaad na Tanom
Paagi sa sunod-sunod na milagro, sinabi nin Diyos ki Moises na panahon na para panginutan niya an mga Israelita paluwas sa Ehipto.
ISTORYA 31
Uminatubang ki Faraon si Moises Asin Aaron
Taano ta dai nagdangog si Faraon ki Moises asin dai tinugutan na maghali an mga Israelita?
ISTORYA 32
An Sampulong Damat
Nagpaabot an Diyos nin 10 kapahamakan sa Ehipto dahil sa katagasan kan payo kan Ehipsiyong si Faraon na nagsayumang pahalion an mga Israelita.
ISTORYA 33
Pag-ibong sa Dagat na Pula
Paagi sa kapangyarihan nin Diyos binanga ni Moises an Dagat na Pula asin marang daga an inagihan kan mga Israelita sa pgbalyo ninda.
