KABTANG 3
Puon sa Pagkasalbar sa Ehipto Sagkod sa Inot na Hadi nin Israel
Pinanginutan ni Moises an mga Israelita hali sa Ehipto pasiring sa Bukid nin Sinai. Duman itinao sainda ni Jehova an mga pagbuot niya. Paghaloy-haloy, nagsugo si Moises nin 12 lalaki para mag-espiya sa Canaan. Pero an sampulo sainda nagbalik na may maraot na bareta. Dahil diyan, gusto na kan mga Israelita na magbalik sa Ehipto. Huling mayo sindang pagtubod, pinadusahan sinda nin Diyos. Pinabayaan niya sindang maglagaw-lagaw nin 40 taon sa kaawagan.
Pag-abot nin panahon, pinili si Josue para panginutan an mga Israelita pa-Canaan. Tanganing tabangan sindang masakop an lugar, naggibo si Jehova nin mga milagro. Pinapundo niya an bulos kan Salog nin Jordan, pinabagsak an mga lanob kan Jerico, asin pinapundo nin maghapon an paghiro kan saldang. Pagkalihis nin anom na taon, nasakop kan mga Israelita an Canaan.
Puon ki Josue, mga hukom an nanginot sa Israel sa laog nin 356 na taon. Mamimidbid ta an dakul sainda, arog ni Barak, Gideon, Jefte, Samson, asin Samuel. Mababasa man niyato an manungod sa mga babaying si Rahab, Debora, Jael, Rut, Noemi, asin Delaila. Gabos-gabos, 396 na taon nin kasaysayan an laog kan Kabtang TRES.
SA SEKSIYON NA INI
ISTORYA 34
Bagong Klase nin Kakanon
An espesyal na kakanonna ini na hali sa Diyos nahuhulog hali sa langit.
ISTORYA 35
Itinao ni Jehova an mga Pagbuot Niya
Ano an duwang pagbuot na mas mahalaga kisa sa Sampulong Tugon?
ISTORYA 36
An Bulawan na Ugbon na Baka
Taano man ta masamba an mga tawo sa sarong estatwa na gibo sa tinunaw na mga bulawan na hikaw?
ISTORYA 38
An 12 Espiya
Parareho an sinabi kan sampulong espiya, pero iba an sinabi kan duwang espiya. Siisay an tutubudan kan mga Israelita?
ISTORYA 39
Namurak an Sugkod ni Aaron
ISTORYA 40
Pinukpok ni Moises an Gapo
Nakakua si Moises nin solusyon, pero napaanggot niya man si Jehova.
ISTORYA 41
An Halas na Tanso
Taano ta nagpadara an Diyos nin makamandag na mga halas tanganing kagaton an mga Israelita?
ISTORYA 44
Itinago ni Rahab an mga Espiya
Paano tinabangan ni Rahab an duwang lalaki, asin ano an pakiulay niya?
ISTORYA 45
Pagbalyo sa Salog nin Jordan
Sarong milagro an nangyari kan tumuntong sa tubig an mga saserdote.
ISTORYA 47
Naghabon an Sarong Israelita
Puwede daw ipahamak nin sarong maraot na tawo an bilog na nasyon?
ISTORYA 48
Madunong na mga Gibeonita
Niloko ninda si Josue asin an mga Israelita para mangako an mga ini, pero ginibo pa man giraray kan mga Israelita an saindang ipinangako.
ISTORYA 49
An Aldaw Nagpundo sa Paghiro
May ginibo si Jehova para ki Josue na dai pa niya ginibo kaidto asin dai pa nuarin man nangyari.
ISTORYA 50
Duwang Babayi na Makusog an Buot
Pinanginutan ni Barak an hukbo nin Israel sa pakikilaban, pero taano ta si Jael an nag-ako nin pag-umaw?
ISTORYA 51
Ruth asin Noemi
Binayaan ni Ruth an saiyang banwaan tanganing mag-iba ki Noemi asin maglingkod ki Jehova.
ISTORYA 52
Si Gideon Asin an Saiyang 300 na Suldados
Nagpili an Diyos nin mga suldados para sa sadit na hukbo na ini paagi sa sarong kakaibang pagbalo sa paagi nin pag-inom.
ISTORY 55
Sarong Aking Lalaki na Naglingkod sa Diyos
Ginamit nin Diyos an aking si Samuel tanganing ipaabot an makulog na mensahe para sa Halangkaw na Saserdoteng si Eli.
